చేయను అంటూనే రీమేక్ కన్ఫర్మ్ చేసిన హరీష్ శంకర్

ఒక నెలక్రితం వరకూ “నేను జిగర్తాండ సినిమా రీమేక్ చేయడం లేదు, అవన్నీ గాసిప్స్ మాత్రమే” అని తెగ స్టేట్మెంట్స్ ఇచ్చిన హరీష్ శంకర్ మొత్తానికి ఆ రీమేక్ సినిమాను ఇవాళ అఫీషియల్ గా మొదలెట్టాడు. వరుణ్ తేజ్ కీలకపాత్రలో నటించనున్న ఈ చిత్ర ప్రారంభోత్సవం నేడు ఘనంగా జరిగింది. తమిళంలో బాబీ సింహా పోషించిన పాత్రను వరుణ్ తేజ్ పోషించనున్నాడని.. సిద్ధార్థ్ పాత్రలో శ్రీవిష్ణు కనిపించనున్నాడని టాక్. అయితే.. తెలుగు నేపధ్యానికి తగ్గట్లుగా కథ, కథనంలో హరీష్ శంకర్ మార్క్ మార్పులు చాలా జరిగాయట.

• ‘మిస్టర్ మజ్ను’ రివ్యూ కోసం ఇక్కడ క్లిక్ చేయండి..!
• వినయ విధేయ రామ రివ్యూ కోసం ఇక్కడ క్లిక్ చేయండి
• మణికర్ణిక రివ్యూ కోసం ఇక్కడ క్లిక్ చేయండి
• ‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి

కథానాయకుడిగా మొట్టమొదటి 100 కోట్ల సినిమాతోపాటు, ఓవర్సీస్ లో 2 మిలియన్ డాలర్ క్లబ్ లో కూడా స్థానం సంపాదించుకున్న వరుణ్ తేజ్ ఇప్పుడు సడన్ గా నెగిటివ్ షేడ్స్ ఉన్న రోల్ ప్లే చేయనుండడం అనేది సాధారణంగానే చర్చనీయాంశం అయ్యింది. మరి హరీష్ ఈ ప్రొజెక్ట్ ను ఎలా హ్యాండిల్ చేస్తాడో చూడాలి. ఇకపోతే.. ఈ ప్రొజెక్ట్ కు “వాల్మీకీ” అనే టైటిల్ పెట్టడం మాత్రం అందర్నీ విశేషంగా ఆకట్టుకుంటుంది. వచ్చే నెల నుంచి రెగ్యులర్ షూటింగ్ మొదలవ్వనున్న ఈ చిత్రాన్ని 14 రీల్స్ సంస్థ నిర్మిస్తోంది. ఈ చిత్రంలో కథానాయిక ఎవరనేది త్వరలోనే ప్రకటించనున్నారు.