బాలయ్యకు వరుణ్ తేజ్ కూడా గట్టి కౌంటర్ ఇచ్చాడా?

తాజాగా బాలకృష్ణ … చిరంజీవి పై అలాగే ఇండస్ట్రీ పెద్దల పై చేసిన కామెంట్స్ పెద్ద ధుమారాన్నే రేపుతున్నాయి. లాక్ డౌన్ వల్ల మూతపడ్డ థియేటర్లు అలాగే నిలిచిపోయిన షూటింగ్ ల కోసం చిరంజీవి అలాగే కొందరు ఇండస్ట్రీ పెద్దలు… ప్రభుత్వంతో చర్చలు జరిపిన సంగతి తెలిసిందే. ఎలాగైనా షూటింగ్ లు తిరిగి ప్రారంభించుకుంటాం అని మంత్రి తలసానికి రిక్వెస్ట్ పెట్టుకుంటూ మీటింగ్ లు కూడా కండక్ట్ చేశారు. తెలంగాణ ముఖ్యమంత్రి కె.సి.ఆర్ ను కూడా కలిశారు. అయితే ‘ఈ మీటింగ్ లకు తనని పిలవలేదు’ అంటూ బాలయ్య సంచలన కామెంట్లు చేసాడు. ‘తలసానితో రియల్ ఎస్టేట్ బిజినెస్ గురించి మాట్లాడుతున్నారా ?.. నన్ను కనీసం పిలవాలని కూడా అనిపించలేదా’ అంటూ కామెంట్స్ చేసాడు బాలయ్య.

ఈ కామెంట్స్ కు గట్టి కౌంటర్ ఇస్తూ.. మెగా బ్రదర్ నాగ బాబు వీడియోల మీద వీడియోలు చేసి యూట్యూబ్లో విడుదల చేసాడు. ‘నోరు అదుపులో పెట్టుకో బాలయ్య’ అంటూ గట్టి కౌంటర్ కూడా వేసాడు. నాగబాబు మాత్రమే కాదు ఇప్పుడు వరుణ్ తేజ్ కూడా బాలయ్యకు పెద్ద కౌంటర్ వేసినట్టు తెలుస్తుంది. ‘చేతిలో తుపాకీ ఉన్న వ్యక్తితో ఎవ్వరూ మాట్లాడరు’ అంటూ కామెంట్ చేసి ‘గద్దలకొండ గణేష్'(వాల్మీకి) సినిమాలో తను తుపాకీ పట్టుకున్న ఫోటోని పోస్ట్ చేసాడు వరుణ్.

అతను చేసిన ఈ కామెంట్ ను ఇండైరెక్ట్ బాలయ్యకే కౌంటర్ గా వేసాడనే కామెంట్స్ కూడా వినిపిస్తున్నాయి. ‘గతంలో బాలయ్య ఓ అగ్ర నిర్మాత పై తుపాకితో దాడి చేసాడు’ అంటూ పెద్ద రచ్చే జరిగింది. పైగా బాలయ్యకు కోపం బాగా ఎక్కువ.. ఎంతోమంది పై అనవసరంగా చెయ్యి చేసుకుంటాడు.. అలాగే నోటికి వచ్చిన బూతులు కూడా తిడతాడు’ అని చాలా మంది చెబుతుంటారు. మరి వరుణ్ ఇంటెన్షన్ ఇదే అయ్యి ఉంటుందా? అనేది తెలియాల్సి ఉంది.

Most Recommended Video

ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్