Vasuki Anand: ‘ది గర్ల్ ఫ్రెండ్’ లాంటి సినిమాలు ఇంకా కావాలా? వాసుకి వ్యాఖ్యలు సరైనవేనా?

రష్మిక మందన్న ప్రధాన పాత్రలో రాహుల్ రవీంద్రన్ దర్శకత్వంలో తెరకెక్కిన ‘ది గర్ల్ ఫ్రెండ్’ సినిమా బాక్సాఫీస్ డీసెంట్ సక్సెస్ అందుకుంది. సోషల్ మీడియాలో మాత్రం ఈ సినిమాకి మిశ్రమ స్పందన లభించింది.

Vasuki Anand

డైరెక్టర్ కేవలం స్త్రీపక్షపాతిగా వ్యవహరించి ఈ సినిమా తీశాడని చాలా మంది మండిపడుతూ కామెంట్లు చేశారు. అలాంటి సినిమాలు మరిన్ని కావాలంటూ తాజాగా సీనియర్ నటి వాసుకి(Vasuki Anand) వ్యాఖ్యానించడం చర్చనీయాంశం అయ్యింది.

ఈరోజు ‘సమ్మర్ హాలిడేస్’ టీజర్ లాంచ్ వేడుకలో ఆమె మాట్లాడుతూ… “మహిళలు మరియు పిల్లల సమస్యల నేపథ్యంలో రూపొందే ఇలాంటి(‘ది గర్ల్ ఫ్రెండ్’ ‘సమ్మర్ హాలిడేస్’) సినిమాలు మరిన్ని రావాలని కోరుకుంటూ దర్శకుడు రాహుల్ రవీంద్రన్, నిర్మాత ధీరజ్ మొగిలినేనికి థాంక్స్ చెప్పుకుంటున్నాను” అంటూ వాసుకి చెప్పుకొచ్చారు. ఇప్పుడు ఆమె వ్యాఖ్యలని కూడా కొందరు వక్రీకరిస్తున్నారు.

‘ ‘ది గర్ల్ ఫ్రెండ్’ సినిమా కేవలం పురుషుల ప్రవర్తనను తప్పుబడుతూ, ఏకపక్షంగా ‘ఫెమినిజం’ అజెండాను రుద్దే ప్రయత్నం అని.. అలాంటి సినిమాలు ఇంకా రావాలని కోరడం కరెక్ట్ కాదని’ వాసుకి వ్యాఖ్యలను తప్పుబడుతూ కామెంట్లు చేస్తున్నారు.మరోవైపు ‘సమాజంలో మహిళలు ఎదుర్కొనే మానసిక ఒత్తిళ్లు, అతిగా నియంత్రించే బంధాల వెనుక ఉన్న వాస్తవాలను ధైర్యంగా చూపించడానికి ఇలాంటి చిత్రాలు అవసరం’ అని కూడా కొందరు వాసుకి వ్యాఖ్యలకి మద్దతు పలుకుతున్నారు.

వాసుకి చెప్పినట్టు మహిళల కోణాన్ని ఆవిష్కరించే ప్రయత్నాలను పూర్తిగా తోసిపుచ్చడం అనేది కరెక్ట్ కాదు. కళ అనేది సమాజంలో ఉన్న ఒక వర్గం బాధను ప్రతిబింబించే అద్దం లాంటిది కూడా అని గుర్తించాలి.. గుర్తుంచుకోవాలి.

చరణ్, జన్వీ ఉండగా నన్నెవరు చూస్తారు : జగపతి బాబు

రాహుల్ గారు ‘ది గర్ల్ ఫ్రెండ్’ లాంటి సినిమాలు మరిన్ని తీయండి

ఫెమినిజం ని ఎంకరేజ్ చేయడానికి మాత్రమే ఈ మాట చెప్పడం లేదు : వాసుకి#SummerHolidays #DheerajMogilineni pic.twitter.com/G5EnEHprHr

— Filmy Focus (@FilmyFocus) May 27, 2026