Venkat Prabhu – Vijay : వైరల్‌ నెంబర్‌ ప్లేట్‌.. ఇప్పుడు విజయ్‌ దగ్గరకు.. ఇచ్చిందెవరో తెలుసా?

తమిళనాడు అసెంబ్లీ ఎన్నికల్లో విజయ్‌ పార్టీ టీవీకే గెలిచినప్పటి నుండి పాత వీడియోలు కొన్ని వైరల్‌ అవుతున్నాయి. అలాగే గతంలో ఎప్పుడో విజయ్‌ గురించి పలువురు సెలబ్రిటీలు చెప్పిన విషయాలు కూడా బయటకు వస్తున్నాయి. ఈ క్రమంలో కొన్ని సినిమాల్లోని సీన్స్‌ కూడా బయటకు వస్తున్నాయి. అలా వచ్చిన సీన్‌.. ‘ది గోట్‌’ సినిమాలోనిది. ఆ సీన్‌ గురించి తర్వాత చూద్దాం. ఇప్పుడు ఆ వీడియో వైరల్‌ అవ్వడంతో జరిగిన ఓ స్వీట్‌ గెస్చర్‌ గురించి చూద్దాం.

Venkat Prabhu – Vijay

తమిళనాడు సీఎం విజయ్‌ను ప్రముఖ దర్శకుడు వెంకట్ ప్రభు కలుసుకున్నారు. ఈ క్రమంలో ‘ది గోట్‌’ గిఫ్ట్‌ను అందజేశారు. అదే ఆ సినిమాలో విజయ్ ఉపయోగించిన కారుకు నంబర్ ప్లేట్. ఆ సినిమాలో విజయ్‌ TN 07 CM 2026 అనే నెంబర్‌ ఉన్న కారు వాడుతుంటారు. 2026 అసెంబ్లీ ఎన్నికల్లో విజయ్ రాజకీయ ప్రస్థానాన్ని, ఆయన సీఎం అవుతారనే విషయాల్ని ఈ నంబర్ ప్లేట్‌తో అప్పట్లోనే సూచించారంటూ సోషల్ మీడియాలో వీడియోలు వైరల్‌ అయ్యాయి. దీంతో ఆ నంబర్‌ ప్లేట్‌ను ఫ్రేమ్‌ కట్టించి విజయ్‌కు అందించారు వెంకట్‌ ప్రభు.

ఫిబ్రవరి 2024లో విజయ్ తమిళగ వెట్రి కళగం పార్టీని స్థాపించిన విషయం తెలిసిందే. ఆ తర్వాత కొన్ని నెలలకే ‘ది గోట్‌’ సినిమా విడుదలైన విషయమూ తెలిసిందే. ఇక ఈ ఫొటోలను వెంకట్‌ ప్రభు సోషల్‌ మీడియాలో పోస్ట్‌ చేస్తూ.. విజయ్‌ చరిత్ర సృష్టించారు. ముఖ్యమంత్రి విజయ్ అన్నను ఈ రోజు కలిసి మొదటి అపురూప కానుకను ఇచ్చినందుకు సంతోషంగా ఉంది. ఇది కేవలం ఆరంభం మాత్రమే అని వెంకట్‌ ప్రభు రాసుకొచ్చారు.

‘ది గోట్‌’ సినిమా ఆశించిన ఫలితం ఇవ్వకపోయినా.. ఈ నెంబర్‌ ప్లేట్‌ ద్వారా ముందుగానే మేనిఫేస్టేషన్‌ చేశారు.. అది మంచిదైంది అంటూ సినిమా మిగిల్చిన కష్టాన్ని మరచిపోయే పనిలో ఉంది విజయ్‌ టీమ్‌.

‘డ్రాగన్‌’లో ఎన్టీఆర్‌ పేరుకి అర్థం తెలుసా? ఇంకో తారక్‌ ఉంటాడా?