Dragon: ‘డ్రాగన్‌’లో ఎన్టీఆర్‌ పేరుకి అర్థం తెలుసా? ఇంకో తారక్‌ ఉంటాడా?

May 20, 2026 / 12:54 PM ISTByFilmy Focus Desk

Join Us

ఎన్టీఆర్‌ పుట్టిన రోజు మరికొన్ని నిమిషాల్లో వస్తోంది అనగా.. ఇచ్చిన మాట కంటే కాస్త ముందే వచ్చేశాడు ‘డ్రాగన్‌’. ఈ సినిమా పేరు విషయంలో ఇప్పటికే లీకులు వచ్చిన నేపథ్యంలో టైటిల్‌ గురించి ఎవరూ పెద్దగా వెయిట్‌ చేయడం లేదు. అయితే ఎన్టీఆర్‌ పేరు ఈ సినిమాలో డ్రాగన్‌ అనే ఉంటుందా? అనే డౌట్‌ అయితే చాలామందికి ఉండింది. కొంతమంది అయితే అదే పేరు పెడతారు అని, మరికొందరు ఆ పేరు పెట్టరు అంటూ చాలా రోజులుగా డిస్కషన్‌ చేసుకుంటూ వస్తున్నారు. అనుకున్నట్లుగానే ఆ పేరు కాకుండా మరో పేరు పెట్టారు దర్శకుడు ప్రశాంత్‌ నీల్.

Dragon

‘డ్రాగన్‌’ సినిమాలో ఎన్టీఆర్‌ పాత్ర పేరు ‘లూగర్‌’ అని ప్రమోషనల్‌ వీడియోలో చూపించారు. అఫ్గాన్‌ ట్రేడింగ్‌ కంపెనీకి అసాసిన్‌ చీఫ్ అయిన లూగర్‌ పాత్రలో తారక్‌ ఈ సినిమాలో కనిపించనున్నాడు. అంటే అవతలి వర్గానికి చెందిన ప్రధాన నాయకుడు అని చెప్పొచ్చు. మరి మన దేశానికి చెందిన నాయకుడిగా ఇంకో ఎన్టీఆర్‌ కనిపిస్తాడని వార్తలొస్తున్నాయి. ఆ విషయం తర్వాత చూద్దాం. ఇప్పటికైతే లూగర్‌ అనే పేరుకు అర్థం సంగతి చూద్దాం.

గూగుల్‌ జెమినైని ఇదే విషయం అడిగితే.. ఆ పేరుకు రెండు అర్థాలు ఉన్నాయి అని చెబుతోంది. అందులో ఒకటి అయితే తారక్‌ లుక్‌కి, క్యారెక్టర్‌కి పర్‌ఫెక్ట్‌ సరిపోతుంది అనిపిస్తోంది. లూగర్‌ అంటే జర్మన్‌ సెమీ ఆటోమేటిక్‌ పిస్టల్‌. అవును ఓ గన్‌కి జర్మనీలో ఆ పేరు ఉంది. 1898 నుంచి 1949 వరకు ఆ గన్‌ను వినియోగించేవారట. ఆ గన్‌ను తయారు చేసిన జియోర్జ్‌ లూగర్‌ పేరునే ఆ గన్‌కి పెట్టారట. రెండు ప్రపంచ యుద్ధాల సమయంలో జర్మనీ మిలటరీ ఆ తుపాకీలను ఎక్కువగా వాడిందట.

ఇది కాకుండా ఇదే పేరుతో ఓ క్రీడ ఉంది. వింటర్ స్పోర్ట్స్‌లో లూగ్‌ అనే ఆట ఒకటి ఉంది. మంచుపై ఓ చిన్న కుర్చీ లాంటి దానిపై కూర్చుని కిందకు జారే అట అది. ఈ ఆట ఆడేవారిని లూగర్స్‌ అని అంటారు. ఇదంతా ఒక లెక్క అయితే.. గతంలో విజయ్‌ దేవరకొండ ‘లైగర్‌’ అనే సినిమా చేశాడు. అందులో అతడి పేరు లైగర్‌. ఇప్పుడు ఆ సౌండ్‌కి దగ్గరగా ‘లూగర్‌’ అని అంటున్నారు. ఇది కాస్త ఆందోళన కలిగించే విషయమే.