సీతమ్మ వాకిట్లో సిరిమల్లె చెట్టు’ సినిమాలోని పెద్దోడు విక్టరీ వెంకటేష్, చిన్నోడు సూపర్ స్టార్ మహేష్ బాబు మరోసారి పక్కపక్కన కూర్చుని ఎంజాయ్ చేస్తోన్న పిక్ ఒకటి సోషల్ మాధ్యమాలలో వైరల్ అవుతోంది. ఆ సినిమాలో వారిద్దరి నటన ప్రేక్షకులను ఎంతగా మెప్పించిందో తెలియంది కాదు. రియల్ లైఫ్‌లో అన్నదమ్ములు ఎలా అయితే ఉంటారో.. అలానే వెంకీ, మహేష్ నటించారు. ప్రతి ఒక్కరూ ఇది మనమే అనుకునేలా వారి నటన, పాత్రలు ఉండటంతో.. ఆ సినిమా పేరు ఇప్పటికీ వినబడుతూనే ఉంటుంది.
అప్పటి నుంచి వీరిద్దరూ ఎక్కడ కనిపించినా.. జనాలు కూడా పెద్దోడు, చిన్నోడు అనడమే స్టార్ట్ చేశారు. వీరిద్దరూ తాజాగా ఓ ప్రైవేట్ పార్టీకి హాజరయ్యారు. సోషల్ మీడియాలో మేఘ కృష్ణారెడ్డి క్లబ్ హౌస్ ఓపెనింగ్‌‌లో ఇలా వెంకీ, మహేష్ సరదాగా.. అని టాక్ నడుస్తున్నప్పటికీ.. ఎక్కడ వీరిద్దరు ఇలా కలిశారనేది మాత్రం అధికారికంగా బయటికి రాలేదు. ఈ పిక్‌లో పొలిటికల్ లీడర్ దానం నాగేందర్‌తో పాటు మరికొంత మంది కనిపిస్తున్నారు.
మహేష్ వెనుక నిలబడి ఉన్నవారిలో నమ్రతా శిరోద్కర్ కూడా కనిపిస్తున్నారు. అకేషన్ ఏమిటనేది క్లారిటీ లేకపోయినా.. సోషల్ మీడియాలో ఈ పిక్ సెన్సేషన్‌ని మాత్రం క్రియేట్ చేస్తోంది. ఇక మహేష్ బాబుకి సంబంధించి ఈ పిక్‌తో పాటు.. ఆయన ప్రస్తుతం చేస్తోన్న ‘గుంటూరు కారం’ సినిమా నుండి ధమ్ మసాలా సాంగ్ ప్రోమోని వదలడంతో మహేష్ బాబు పేరు టాప్‌లో ట్రెండ్ అవుతోంది.
ఇందులో (Mahesh Babu) మహేష్ సరసన శ్రీలీల, మీనాక్షి చౌదరి హీరోయిన్లుగా నటిస్తుండగా.. 2024 సంక్రాంతికి విడుదల చేసేందుకు మేకర్స్ సన్నాహాలు చేస్తున్నారు. మరోవైపు పెద్దోడు.. అదే విక్టరీ వెంకటేష్ నటించిన ‘సైంధవ్’ సినిమా కూడా షూటింగ్ పూర్తి చేసుకుని.. చిన్నోడికి పోటీగా సంక్రాంతికే వచ్చేందుకు సిద్ధమవుతోంది.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
