వెంకటేష్, త్రివిక్రమ్ కలయికలో వచ్చిన నువ్వు నాకు నచ్చావ్, మల్లీశ్వరి సినిమాలు ప్రేక్షకులకు కావాల్సినంత వినోదాన్ని పంచాయి. ఇప్పుడు మూడోసారి వీరి కలయికలో సినిమా రాబోతోంది. అయితే ఈ సారి త్రివిక్రమ్ రచయితగా కాకుండా డైరక్టర్ గా వ్యవహరించనున్నారు. ఈ సినిమా ఎప్పుడు మొదలవుతుందా? అని అభిమానులు ఎదురుచూస్తున్నారు. ప్రస్తుతం వెంకీ పటాస్, సుప్రీమ్, రాజా ది గ్రేట్ చిత్రాలతో హ్యాట్రిక్ హిట్ అందుకున్న అనిల్ రావిపూడి దర్శకత్వంలో ఎఫ్2 (ఫన్ అండ్ ఫ్రస్టేషన్) సినిమా చేసేందుకు సిద్ధమవుతున్నారు. దిల్ రాజు నిర్మించనున్న ఈ మూవీ త్వరలోనే సెట్స్ మీదకు వెళ్లనుంది.
దీని తరవాత కెఎస్ రవీంద్ర దర్శకత్వంలో మరో మూవీ చేయనున్నారు. నాగచైతన్య ఇందులో స్క్రీన్ షేర్ చేసుకోబోతున్నారు. ఈ మూవీ నవంబర్ నుంచి షూటింగ్ కి వెళ్లనుంది. దీని తర్వాత అంటే 2019 జనవరిలో త్రివిక్రమ్ మూవీ పట్టాలెక్కనుంది. ప్రస్తుతం త్రివిక్రమ్ ఎన్టీఆర్ తో అరవింద సామెత వీర రాఘవ సినిమాని చేస్తున్నారు. ఇది అక్టోబర్ లో రిలీజ్ కానుంది. ఈ చిత్రాన్ని నిర్మిస్తున్న రాధాకృష్ణ.. వెంకటేష్ సినిమాని కూడా నిర్మించనున్నారు.
