ఎన్టీఆర్ నటనపై వెంకీ కామెంట్

జనతా గ్యారేజ్ లో యంగ్ టైగర్ ఎన్టీఆర్ నటన అభిమానులనే కాదు సినీ ప్రముఖులను సైతం ఆకట్టుకుంటోంది. మెసేజ్ ఓరియెంటెడ్ యాక్షన్ చిత్రాలను తెరకెక్కించే కొరటాల శివ తారక్ ను ఇందులో కొత్తగా చూపించారు. దీంతో ఈ సినిమా కలక్షన్ల వర్షం కురిపిస్తోంది. అభినందనలు అందుకుంటోంది. రీసెంట్ గా ఈ మూవీని చూసిన విక్టరీ వెంకటేష్ తన అభిప్రాయాన్ని సోషల్ మీడియా వేదికగా పంచుకున్నారు. “కుటుంబ సభ్యుల మధ్య ఉండే అనుబంధాలను జనతా గ్యారేజ్ లో చక్కగా చూపించారు. ఇందులో ఎన్టీఆర్, మోహన్ లాల్ బాగా నటించారు. చిత్ర బృందానికి నా అభినందనలు” అని పేస్ బుక్ లో పోస్ట్ చేశారు.

వెంకీ పోస్ట్ తో కొరటాల టీమ్ చాలా ఆనందపడుతోంది. ఈనెల 1న ప్రపంచ వ్యాప్తంగా విడుదలైన జనతా గ్యారేజ్ హౌస్ ఫుల్ కలెక్షన్లతో దూసుకు పోతోంది. ఇప్పటికే నాన్ బాహుబలి రికార్డులన్నీ తిరగ రాసిన ఈ మూవీ అత్యంత వేగంగా 100 కోట్ల క్లబ్బులో చేరి ఎన్టీఆర్ సత్తా ను మరోసారి నిరూపించింది.