వెంకీ సినిమా గురించి సురేశ్‌బాబు నిర్ణయం తీసుకున్నారా?

April 18, 2021 / 03:40 PM ISTByFilmy Focus

Join Us

వెంకీ సినిమా గురించి సురేశ్‌బాబు నిర్ణయం తీసుకున్నారా?

దేశం మొత్తం మీద ‘దృశ్యం’ సినిమా చూపించిన ప్రభావం మనకు తెలుసు. ఏ భాషలో తీసినా సినిమా హిట్‌ అయి కూర్చుంది. దీంతో ‘దృశ్యం 2’ ఎప్పుడు వస్తుందా అని ప్రేక్షకులు ఎదురుచూశారు. మోహన్‌ లాల్‌ మెస్మరైజింగ్‌ పర్‌ఫార్మెన్స్‌తో వచ్చి తొలి భాగానికి మించి విజయం అందుకుంది. అయితే కరోనా కారణంగా సినిమాను ఓటీటీలో విడుదల చేశారు. అయితే తెలుగులో వెంకటేశ్‌ హీరోగా రూపొందుతున్న ‘దశ్యం 2’ కూడా ఓటీటీలోనే వస్తుందా? అవుననే అంటున్నాయి టాలీవుడ్‌ వర్గాలు.

తెలుగులో ‘దృశ్యం’ నటీనటుల కాంబినేషన్‌లోనే ‘దృశ్యం 2’ తెరకెక్కిస్తున్నరు. అయితే దర్శకుడిగా ఒరిజినల్‌ తీసిన జీతూ జోసెఫ్‌నే తీసుకున్నారు. అదొక్కటే పెద్ద మార్పు. సినిమాలో వెంకటేశ్‌ పాత్ర చిత్రణ కూడా పూర్తయిందని ఇటీవల చిత్రబృందం ప్రకటించింది. ఎందుకు ఇంత వేగంగా సినిమా పూర్తి చేస్తున్నారు అనే డౌట్‌ మీకూ కూడా వచ్చి ఉంటుంది. ఓటీటీ రీల్‌జ్ కోసమే చిత్రబృందం త్వరగా సినిమాను సిద్ధం చేస్తోందనేది కొత్త టాక్‌. దీనిపై నిర్మాత సురేశ్‌బాబు ప్రకటించాల్సి ఉంది.

‘నారప్ప’ సినిమాలో కొన్ని సీన్స్‌ రీషూట్‌ చేస్తున్నారంటూ వార్తలు వస్తున్న నేపథ్యంలో మరో పుకారు కూడా వినిపిస్తోంది. అదే ‘నారప్ప’ కంటే ముందుగానే ‘దృశ్యం 2’ రిలీజ్‌ చేస్తారని. ‘దృశ్యం 2’ను జీతూ జోసెఫ్‌ ఇప్పటికే తుది దశకు తీసుకొచ్చేయడంతో ఈ సినిమానే ముందుగా విడుదల చేయాలని సురేశ్‌బాబు ప్లాన్‌ చేస్తున్నారట. ఈ విషయంలో కూడా స్పష్టత రావాల్సి ఉంది.