విక్టరీ వెంకటేష్ (Venkatesh Daggubati) ప్లస్ పాయింట్స్ కామెడీ, ఫ్యామిలీ ఎలిమెంట్స్. ఇవి రెండూ మిస్ అవ్వడం వల్ల ‘రానా నాయుడు’ ‘సైందవ్’ (Saindhav) దారుణంగా నిరాశపరిచాయి. ముఖ్యంగా ‘రానా నాయుడు’ (Rana Naidu) సిరీస్ వెంకటేష్ అభిమానులను తీవ్రంగా నిరాశపరిచింది. అది మరీ బ్యాడ్ ఫాదర్ రోల్. కోడలి బెడ్రూమ్లోకి మామగారు వెళ్లి కూర్చోవడం, కోడలు, మనవడు,మనవరాలు ఎదుట ‘బోండాలు (వక్షోజాల గురించి) చూస్తున్నారా? అంటూ మాట్లాడటం’ వంటివి వెంకటేష్ ఫ్యాన్స్ కి అస్సలు నచ్చలేదు. ఫ్యామిలీ ఆడియన్స్ అయితే ఆ సీన్స్ చూసి అందరినీ తిట్టిపోశారు.
వీటిని బట్టి అర్థం చేసుకోవచ్చు వెంకటేష్ ని ఫ్యామిలీ ఆడియన్స్ ఎంతలా ఓన్ చేసుకొన్నారు అనేది. వాళ్ళ కోసమే ‘సంక్రాంతికి వస్తున్నాం’ (Sankranthiki Vasthunam) అనే సినిమా చేసి సంక్రాంతి కానుకగా తీసుకొచ్చారు వెంకటేష్. ఆ సినిమా సూపర్ డూపర్ హిట్ అయ్యింది. వెంకటేష్ నుండి ఈ మధ్య కాలంలో మిస్ అయిన ఎలిమెంట్స్ అన్నీ అందులో ఉండటంతో.. ఫ్యామిలీ ఆడియన్స్ ఎగబడి చూస్తున్నారు.
అందుకే వెంకటేష్.. ఇక నుండి తన స్ట్రెంత్ ని వదలకూడదు అని ఫిక్స్ అయ్యారు. నామ మాత్రంగా ‘రానా నాయుడు 2’ ని కంప్లీట్ చేశారు. వెంటనే నందు అనే దర్శకుడితో ఓ ఫ్యామిలీ మూవీ చేయడానికి రెడీ అయ్యాడు. ‘సామజవరగమన’ (Samajavaragamana) ‘డాకు మహారాజ్’ (Daaku Maharaaj) వంటి సినిమాలకి రైటర్ గా పని చేశాడు నందు.
కొద్దిరోజుల క్రితం వెంకటేష్ కి ఓ కథ చెప్పాడు. అది వెంకీకి నచ్చింది. శ్రీనివాస చిట్టూరి ఈ చిత్రాన్ని నిర్మించే అవకాశాలు ఉన్నాయి. త్వరలోనే దీనిపై అధికారిక ప్రకటన వచ్చే అవకాశం ఉంది. ఆ తర్వాత వెంకీ అట్లూరి (Venky Atluri) దర్శకత్వంలో కూడా వెంకీ ఓ సినిమా చేసే అవకాశం కనిపిస్తుంది.
