గురు సినిమా తర్వాత విక్టరీ వెంకటేష్ రెండు సినిమాలకు గ్రీన్ సిగ్నల్ ఇచ్చినా, అవి ప్రీ ప్రొడక్షన్ దశలోనే ఆగిపోయాయి. తాజాగా ఆయన ఓ యువ దర్శకుడు చెప్పిన కథకు ఒకే చెప్పినట్లు తెలిసింది. సురేష్ ప్రొడక్షన్స్ బ్యానర్లో సురేష్ బాబు నిర్మిస్తున్న ఈ సినిమాలో రానా కూడా నటించనున్నారు. ఈ మల్టీ స్టారర్ మూవీలో మరో ప్రత్యేకత ఉంది. థ్రిల్లర్ జానర్లో తెరకెక్కనున్న ఈ సినిమా యానిమల్ బేస్డ్ మూవీగా ఉంటుందని సమాచారం. అందుకోసం గ్రాఫిక్స్, భారీ స్థాయి విజువల్ ఎఫెక్ట్స్ అవసరం అవుతాయంట. అందుకోసమే చిత్ర బృందం కథకు తగినట్టు ఎఫెక్ట్స్ అందించడానికి ఎంత సమయం పడుతుంది?, ఎంత ఖర్చు అవుతుంది? అనే విషయాలపై నిపుణులతో చర్చిస్తున్నారని ఫిలిం నగర్ వాసులు చెబుతున్నారు.
ఈ చరచ్లు కొలిక్కి వస్తే ఈ మూవీ విశేషాలు అధికారికంగా బయటికి వస్తాయి. ఇక తేజ దర్శకత్వంలో రానా నటించిన నేనే రాజు, నేనే మంత్రి సినిమా ఈ శుక్రవారం రిలీజ్ కానుంది. ఈ మూవీ ప్రమోషన్లో బిజీగా ఉన్న రానా, రిలీజ్ అనంతరం బాబాయ్ తో కలిసి నటించే సినిమా పనుల్లో అడుగుపెట్టనున్నారు.
Also, do SUBSCRIBE to our YouTube channel to get latest Tollywood updates.
