Venkatesh: వెంకటేశ్‌ దగ్గరకు మరో హిట్‌ రీమేక్‌ వచ్చిందట.. ఓకే చేస్తారా?

వెంకటేశ్‌ను విక్టరీ వెంకటేశ్‌ అని అంటుంటారు. ఆయన విక్టరీల్లో భారీ విజయం అందుకున్నవాటిలో రీమేక్‌లదే సింహ భాగం అని చెప్పొచ్చు. ఇన్నేళ్ల కెరీర్‌లో ఆయన చాలా రీమేక్‌లు చేశారు. కొన్ని సినిమాలను ఆయన మాత్రమే చేయగలరు అనేలా ఆయన ఎంపికలు ఉంటాయి. ఇటీవల కాలంలో ఆయన ఎంచుకుని మంచి విజయాలు అందుకుంటున్న సినిమా ఫ్రాంచైజీ ‘దృశ్యం’. రెండు సినిమాలు ఈ ఫ్రాంచైజీ కింద వచ్చి.. మంచి విజయం అందుకున్నాయి. ఇప్పుడు వెంకీ మనసులో మరో సినిమా వచ్చిందట.

అయితే ‘దృశ్యం’ సినిమాలా ఇది మలయాళ రీమేక్‌ కాదు. తమిళ సినిమాను ఇప్పుడు ఆయన రీమేక్‌ చేద్దాం అని చూస్తున్నారట. ఇటీవల తమిళంలో విడుదలై మంచి విజయం అందుకున్న చిత్రం ‘అయోతి’. శశి కుమార్, ప్రీతి అస్రాని నటించిన ఈసినిమాను రీమేక్ చేయాలని వెంకటేష్ భావిస్తున్నారట. ఇప్పటికే ఈ సినిమా రీమేక్‌కు సంబంధించిన ఏర్పాట్లు పూర్తయినట్లు చెబుతున్నారు. అన్నీ అనుకున్నట్లు జరిగితే ఈ ఏడాది జూన్‌లో ఈ సినిమా సెట్స్ మీదకు వెళ్తుందని సమాచారం.

యాక్షన్ డ్రామాగా రూపొందిన ‘అయోతి’ సినిమాను ఆర్.మంతిర మూర్తి తెరకెక్కించారు. మానవత విలువల ఆధారంగా ఈ సినిమా రూపొందింది. మార్చి 3న విడుదలైన ఈ సినిమాకు తొలి వారాంతంలో పెద్దగా వసూళ్లు రాలేదు. అయితే ఆ తర్వాత మౌత్ పబ్లిసిటీతో వసూళ్లు బాగున్నాయి. ఆ క్రమంలో బ్లాక్‌ బస్టర్‌ టాక్‌ కూడా వచ్చింది అంటున్నారు. ‘దృశ్యం’ రీమేక్‌లతో హిందీలో మంచి విజయం అందుకుంటున్న అజయ్‌ దేవగణ్‌ కూడా ‘అయోతి’ మీద కన్నేశారని చెబుతున్నారు.

త్వరలోనే ఈ హిందీ రీమేక్‌ విషయంలో కూడా క్లారిటీ వస్తుందని చెబుతున్నారు. అయితే మరి ఈ రెండు ప్రాజెక్టులకు నిర్మాతలు ఎవరు అనేది తెలియాల్సి ఉంది. మామూలుగా ఇలాంటి రీమేక్‌ సినిమాలను వెంకటేశ్‌ టేకప్‌ చేసినప్పడు సురేశ్‌ ప్రొడక్షన్స్‌ ముందుంటుంది. ఆ లెక్కన ఈ సినిమాను తెలుగులో సురేశ్‌బాబు నిర్మిస్తారని అంచనా వేయొచ్చు.

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్