టాలీవుడ్‌ సీనియర్‌ స్టార్ హీరోల్లో వెంకటేశ్‌ కాస్త స్లో అయ్యారు. గత కొన్ని రోజులుగా ‘రానా నాయుడు’ వెబ్ సిరీస్ పనుల్లో ఉన్న ఆయన ఇప్పుడు వరుసగా కథలు వింటున్నారట. ఈ క్రమంలో తనకు రెండు మంచి సినిమాలు ఇచ్చిన శ్రీకాంత్ అడ్డాల కూడా ఓ కథ చెప్పారట. వెంకీ జోనర్‌కి తగినట్టుగా తండ్రీ కూతుళ్ల కథ ఇది అని చెబుతున్నారు. శ్రీకాంత్ చెప్పిన పాయింట్‌ నచ్చడంతో దానిని పూర్తి స్థాయిలో తీర్చిదిద్దే పనిలో ఉన్నారట శ్రీకాంత్ అడ్డాల.
తప్పిపోయిన కూతురి కోసం ఓ తండ్రి చేసిన పోరాటం నేపథ్యంలో శ్రీకాంత్ అడ్డాల ఓ పాయింట్‌ చెప్పారని టాలీవుడ్‌లో గుసగుసలు వినిపిస్తున్నాయి. ఇందులో కూతురిగా యువ కథానాయిక నటిస్తుందని సమాచారం. అలాగే వెంకీ సరసన సీనియర్‌ హీరోయిన్‌ను తీసుకుంటారని కూడా అంటున్నారు. సురేశ్‌ ప్రొడక్షన్స్‌ బ్యానర్‌ మీదే ఈ సినిమా ఉంటుందట. ఈ ప్రాజెక్ట్‌కి సంబంధించి త్వరలో అఫీషియల్‌ రిలీజ్‌ ఉంటుంది అని చెబుతున్నారు. వెంకటేశ్‌తో శ్రీకాంత్ అడ్డాల ‘సీతమ్మ వాకిట్లో సిరిమల్లె చెట్లు’, ‘నారప్ప’ సినిమాలు చేసిన విషయం తెలిసిందే.
తొలి సినిమా థియేటర్లలో అదరగొడితే.. రెండో సినిమా ఓటీటీలో రాణించింది. ఇప్పుడు హ్యాట్రిక్‌ కోసం ఇద్దరూ సిద్ధమవుతున్నారన్నమాట. నిజానికి బాలకృష్ణతో సినిమా చేయడానికి శ్రీకాంత్ అడ్డాల ఈ కథ రాసుకున్నారని అంటున్నారు. అయితే వెంకటేష్ ఈ కథకు పూర్తి న్యాయం చేస్తారని శ్రీకాంత్ అడ్డాల అనుకుంటున్నారట. ఈ కథను వద్దనన్న బాలయ్య.. అనిల్ రావిపూడితో ఇలాంటి కథే తీస్తుండటం గమనార్హం.
మరి రెండు కథలు ఒకేలా ఉంటాయా? లేక కాన్సెప్ట్‌ మాత్రమే ఒకేలా ఉంటుందా అనేది చూడాలి. ఒకవేళ వెంకీ, బాలయ్య ఒకేసారి సినిమా ప్రారంభిస్తే ఒకేలాంటి సినిమాలు రెండు బాక్సాఫీసు దగ్గరకు వచ్చే అవకాశం ఉంది. ఇలాంటి పోటీ ఇటీవల కాలంలో టాలీవుడ్‌లో చూడలేదు. ఇక వెంకీ తరుణ్ భాస్కర్‌తో ఓ సినిమా, అనుదీప్‌తో మరో సినిమా చేయాల్సి ఉంది. మరి ఈ మూడింటిలో ఏది ముందు మొదలవుతుందో చూడాలి.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
