ప్రముఖ జ్యోతిష్కుడు వేణుస్వామి చాలా ఇంటర్వ్యూలలో ప్రభాస్ (Prabhas) జాతకం గురించి, ప్రభాస్ ఆరోగ్యం గురించి చేసిన కామెంట్లు వివాదాస్పదమయ్యాయి. ప్రభాస్ స్థాయిని తగ్గించే విధంగా వేణుస్వామి కామెంట్లు చేశారని ఫ్యాన్స్ అభిప్రాయపడ్డారు. ప్రభాస్ పెద్దమ్మ శ్యామలాదేవి సైతం వేణుస్వామికి ప్రభాస్ జాతకం తెలిసే అవకాశం అయితే లేదని వెల్లడించిన సంగతి తెలిసిందే. తాజాగా ప్రభాస్ పెద్దమ్మ కామెంట్ల గురించి వేణుస్వామి వివరణ ఇచ్చారు. ప్రభాస్ కు ఆయన పెద్దమ్మకు సంబంధం లేదని ప్రభాస్ కు చాలామంది బంధువులు ఉన్నారని వేణుస్వామి చెప్పుకొచ్చారు.
నేను ప్రభాస్ తల్లిగారికి మాత్రమే ప్రాధాన్యత ఇస్తానని ఆయన కామెంట్లు చేశారు. వేరే వాళ్ల ద్వారా ప్రభాస్ జాతకం నా దగ్గరకు వచ్చిందని ఎవరి నుంచి వచ్చిందనే విషయాలను మాత్రం నేను వెల్లడించాలని అనుకోవడం లేదని వేణుస్వామి పేర్కొన్నారు. శ్యామలాదేవి కూడా కృష్ణంరాజు (Krishnam Raju) గారు జీవించి ఉన్న సమయంలో ఆయన జాతకం ప్రకారం గవర్నర్ అవుతారో లేదో తెలుసుకోవడానికి నా దగ్గరకు వచ్చారని వేణుస్వామి వెల్లడించారు.
నేను పరిచయం లేదనే విధంగా శ్యామలాదేవి కామెంట్లు చేయడం సరికాదని వేణుస్వామి పేర్కొన్నారు. వేణుస్వామి కామెంట్ల గురించి ప్రభాస్ ఫ్యాన్స్ ఏ విధంగా ఫీలవుతారో చూడాల్సి ఉంది. పలువురు సెలబ్రిటీల జాతకాల గురించి సైతం వేణుస్వామి షాకింగ్ విషయాలను వెల్లడించగా ఆ విషయాలు వైరల్ అవుతున్నాయి. సెలబ్రిటీల వ్యక్తిగత విషయాలను వెల్లడించడం ద్వారా వేణుస్వామి పాపులారిటీ పొందుతున్నారని కామెంట్లు వ్యక్తమవుతున్నాయి.
వేణుస్వామి మాత్రం తనపై వచ్చే నెగిటివ్ కామెంట్స్ ను పట్టించుకోకుండా ముందుకెళ్తున్నారు. వేణుస్వామి నయనతార (Nayanthara) ప్రెగ్నెన్సీ గురించి చేసిన కామెంట్స్ ప్రస్తుతం సోషల్ మీడియా వేదికగా హాట్ టాపిక్ అవుతున్నాయి. వేణుస్వామి జాతకాలను నమ్మేవాళ్లు ఏ స్థాయిలో ఉన్నారో విమర్శించే వాళ్లు సైతం అదే స్థాయిలో ఉన్నారు ఇండస్ట్రీకి చెందిన పలువురు స్టార్స్ మాత్రం వేణుస్వామి జాతకాలను నమ్ముతారని తెలుస్తోంది.
