తమ్ముడికి బూస్ట్ ఇవ్వడానికి విజయ్ ఎంట్రీ..!

విజయ్ దేవరకొండ ప్రస్తుతం క్రేజీ హీరోగా దూసుకుపోతున్నాడు. అతని సినిమాలంటే.. యూత్ లో ప్రత్యేక మైన క్రేజ్ నెలకొంటుంది అనడంలో సందేహం లేదు. ఇక నిర్మాతగా కూడా మారి ‘మీకు మాత్రమే చెప్తా’ చిత్రంతో హిట్టందుకున్నాడు విజయ్ దేవరకొండ. ప్రస్తుతం విజయ్.. ‘మళ్ళీ మళ్ళీ ఇది రాని రోజు’ ఫేమ్ క్రాంతి మాధవ్ డైరెక్షన్లో ‘వరల్డ్ ఫేమస్ లవర్’ అనే చిత్రం చేస్తున్నాడు. 2020 ఫిబ్రవరిలో ఈ చిత్రం విడుదల కాబోతుంది. ఈ చిత్రం పూర్తయిన వెంటనే పూరి జగన్నాధ్ డైరెక్షన్లో ‘ఫైటర్’ సినిమా చేయబోతున్నాడు.

అయితే ఈఏడాది విజయ్ తమ్ముడు ఆనంద్ దేవరకొండ కూడా ‘దొరసాని’ చిత్రంతో ఎంట్రీ ఇచ్చాడు. అయితే ఈ చిత్రం ప్లాప్ అయ్యింది. జీవిత రాజశేఖర్ ల కూతురు శివాత్మిక ఈ చిత్రంలో హీరోయిన్ గా నటించింది. ఆమె నటనకి మాత్రం మంచి రెస్పాన్స్ వచ్చింది. దీంతో ఇప్పుడు తన తమ్ముడు కెరీర్ కు బూస్ట్ ఇచ్చే దిశగా ప్రయత్నాలు మొదలు పెట్టాడట. ఇందులో భాగంగా అన్నదమ్ములు ఇద్దరూ ఒకే సినిమాలో కనిపించబోతున్నారని తెలుస్తుంది. అయితే ఏ సినిమాలో అన్నది తెలియాల్సి ఉంది.

24 గంటల్లో హైయెస్ట్ వ్యూస్ అండ్ లైక్స్ సాధించిన లిరికల్ సాంగ్స్ ఇవే!
30 సౌత్ ఇండియన్ హీరోయిన్లు మరియు వారి చైల్డ్ హుడ్ పిక్స్!