విజయ్ ప్రస్తుతం క్రాంతి మాధవ్ డైరెక్షన్లో ‘వరల్డ్ ఫేమస్ లవర్’ అనే సినిమా చేస్తున్నాడు. ఈ చిత్రం తర్వాత పూరి జగన్నాథ్ డైరెక్షన్లో కూడా ఓ సినిమా చేయబోతున్నాడు. ఇలా హీరోగా నటిస్తూనే మరోపక్క ‘మీకు మాత్రమే చెప్తా’ అనే సినిమానికి కూడా నిర్మాతగా వ్యవహరిస్తున్నాడు. ఇదిపక్కన పెడితే.. తాజాగా విజయ్ దేవరకొండ ‘టెర్మినేటర్’ తెలుగు ట్రైలర్ లాంచ్ విచ్చేసాడు. హాలీవుడ్ స్టార్ ఆర్నాల్డ్ నటించిన ‘టెర్మినేటర్ డార్క్ ఫేట్’ తెలుగులో కూడా భారీ స్థాయిలో విడుదల కాబోతుంది. ఇక ఈ చిత్రం ట్రైలర్ ఈవెంట్ లో పాల్గొన్న విజయ కాసేపు మీడియాతో ముచ్చటించాడు.
విజయ్ దేవరకొండ మాట్లాడుతూ… ” చిన్నతనంలో ఆర్నాల్డ్ యాక్షన్ సినిమాలు చూసేవాడిని. ‘ది టర్మినేటర్’ సినిమా తో నా హాలీవుడ్.. యాక్షన్ సినిమాల ప్రస్థానం మొదలైందని చెప్పుకోవచ్చు. చిన్నపిల్లాడిగా ఉన్న సమయంలో ఆ సినిమాలను ఎంతో ప్రేమగా చూసేవాడిని. ‘టర్మినేటర్ సిరీస్’ లో 6వ భాగంగా వస్తున్న ‘టర్మినేటర్ : డార్క్ ఫేట్’ కు ప్రపంచ వ్యాప్తంగా భారీ క్రేజ్ ఉంది. భాషా భేదం లేకుండా హాలీవుడ్ చిత్రాలు ఇండియన్ భాషల్లో కూడా రిలీజవుతున్నాయి. ప్రస్తుతం తెలుగు సినిమా స్థాయి పెరుగుతోంది. ‘సాహో’, ‘సైరా’ వంటి చిత్రాలు వస్తున్నాయి. ఏదో ఒకరోజు తెలుగు సినిమాలని హాలీవుడ్ వాళ్ళు డబ్బింగ్ చేసుకుని చూసే పరిస్థితి రావాలి” అంటూ విజయ్ చెప్పాడు. ఇదే క్రమంలో మీరు కూడా ఇలాంటి యాక్షన్ సినిమా చేస్తారా.. అని విలేకరి అడిగిన ప్రశ్నకి.. “నేను బచ్చాగాడిని.. ఇలాంటి సినిమాలు ప్రభాస్ అన్న చేస్తే బాగుంటుంది” అంటూ ఫన్నీ ఆన్సర్ ఇచ్చాడు విజయ్ దేవరకొండ.
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
చిరంజీవి అతిధి పాత్ర చేసిన సినిమాలు?
