ఛార్మి బండిపై రౌడి బాయ్.. భయం భయంగా..

February 20, 2021 / 05:32 PM ISTByFilmy Focus

Join Us

పూరి జగన్నాథ్ , విజయ్ దేవరకొండ కాంబినేషన్ లో తెరకెక్కుతున్న లైగర్ సినిమాపై అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు. పాన్ ఇండియా ప్రాజెక్ట్ తో రాబోతున్న ఈ ఇద్దరు ఎలాంటి కిక్కిస్తారో అని అటు అభిమానులతో పాటు సినీ వర్గాలు కూడా ఎంతో ఆతృతగా ఎదురుచూస్తున్నాయి. ఇక సినిమా రెగ్యులర్ షూటింగ్ ఇటీవల మొదలైంది. సాధారణంగా పూరి జగన్నాథ్ సినిమాను మొదలు పెట్టాడు అంటే వీలైనంత త్వరగా పూర్తి చేయాలని అనుకుంటాడు.

అయితే మొదటి సారి లైగర్ కోసం చాలా రోజుల నుంచి కష్టపడాల్సి వస్తోంది. ఇక లైగర్ షూటింగ్ సెట్స్ లో అందరూ ఎంత సరదాగా ఉంటారో ఇటీవల విడుదలైన ఒక ఫొటోతోనే క్లారిటీ వచ్చేసింది. లైన్ ప్రొడ్యూసర్ అయిన ఛార్మి హీరో విజయ్ ను స్కూటీపై బయటకు తీసుకెళ్లిందట. ముంబై విధులలో వీళ్ళు స్పెషల్ రైడ్ తో హ్యాపీగా ఎంజాయ్ చేశారట. ఇక ఛార్మి బైక్ నడుపుతుంటే విజయ్ కాస్త కంగారు పడుతున్నట్లు ఫొటో చూస్తేనే అర్థమవుతొంది.

ఇక ఛార్మి కూడా ఒక కామెంట్ తో ఆ విషయాన్ని అర్థమయ్యేలా చెప్పింది. తనపై విజయ్ కు ఏ రేంజ్ లో నమ్మకం ఉందొ అర్థమవుతోందని క్యాప్షన్ ఇచ్చింది. ఇక నిమిషాల్లోనే ఆ ఫొటో సోషల్ మీడియాలో వైరల్ అయ్యింది. లైగర్ సినిమా సెప్టెంబర్ 9న విడుదల కానున్న విషయం తెలిసిందే.