అప్పుడెప్పుడో “నూవ్విలా” సినిమాతో తెరంగేట్రం చేసిన విజయ్ దేవరకొండకి “పెళ్ళిచూపులు” చిత్రంలో నటించేంతవరకూ కథానాయకుడిగా గుర్తింపు సంపాదించుకోలేకపోయాడు విజయ్ దేవరకొండ. అయితే.. వేరే ఇండస్ట్రీల విషయం మనకి పెద్దగా ఐడియా లేదు కానీ.. చిత్రసీమలో మాత్రం వారసత్వం అనేది సర్వసాధారణం. కుటుంబం ఇమేజ్ ను బేస్ చేసుకొని కొందరు నటులుగా పరిచయమైతే.. ఇంకొందరేమో స్నేహితుల ప్రోద్భలంతో వచ్చినవారూ ఉన్నారు. అయితే.. ఎలాంటి బ్యాగ్రౌండ్ లేకుండా ఇండస్ట్రీకి క్యారెక్టర్ ఆర్టిస్ట్ గా వచ్చి హీరోగా తన స్టామినాను ఘనంగా చాటుకొన్న విజయ్ దేవరకొండ ఇప్పుడు తన వారసత్వాన్ని తమ్ముడితో కొనసాగించేందుకు సిద్ధమవుతున్నాడని తెలుస్తోంది.
విజయ్ దేవరకొండ తమ్ముడు ఆనంద్ దేవరకొండ త్వరలోనే కథానాయకుడిగా పరిచయం కానున్నాడని, ఓ యువ దర్శకుడు చెప్పిన కథ తనకు నచ్చినా.. ఇప్పుడు ఖాళీ లేకపోవడంతో అదే కథను విజయ్ తన తమ్ముడు ఆనంద్ ను హీరోగా పరిచయం కోసం వాడనున్నాడని తెలుస్తోంది. ఈ చిత్రాన్ని ఓ ప్రముఖ నిర్మాణ సంస్థ నిర్మించనుందట.
