Vijay Devarakonda, Allu Arjun: బన్నీని చూసి ఆశ్చర్యపోయానన్న విజయ్!

ఆనంద్ దేవరకొండ హీరోగా తెరకెక్కిన పుష్పక విమానం ట్రైలర్ లాంఛ్ వేడుకకు అల్లు అర్జున్ ముఖ్య అతిథిగా హాజరైన విషయం తెలిసిందే. ఈ వేదికపై విజయ్ దేవరకొండ బన్నీ గురించి మాట్లాడుతూ ఆసక్తికర విషయాలను వెల్లడించారు. కొన్నేళ్ల క్రితం తాను, ఆనంద్ సరూర్ నగర్ లో ఉన్న శివగంగ థియేటర్ లో డాడీ సినిమాను చూసి ఇంటికి వెళ్లే సమయంలో సినిమాలో ఒక అబ్బాయి వేసిన డ్యాన్స్ గురించి మాట్లాడుకున్నామని ఆ అబ్బాయి బన్నీ అని తమకు తెలియదని విజయ్ అన్నారు.

ఆర్య సినిమా ప్రమోషన్స్ సమయంలో డాడీలో డ్యాన్స్ చేసిన అబ్బాయి ఆర్యలో హీరో అని తెలిసి ఆశ్చర్యపోయానని విజయ్ పేర్కొన్నారు. అల్లు అరవింద్ ద్వారా బన్నీ పరిచయమయ్యారని తన సినిమాల ఆడియో ఫంక్షన్లకు బన్నీ గెస్ట్ గా హాజరయ్యారని విజయ్ వెల్లడించారు. బన్నీని విజయ్ అన్నా అని సంభోదిస్తూ బన్నీపై ఉన్న అభిమానాన్ని విజయ్ చాటుకున్నారు. అల వైకుంఠపురములో సినిమాకు ముందు బన్నీకి బట్టలు పంపించానని సంధ్య థియేటర్ కు వెళుతూ బన్నీ ఆ బట్టలు వేసుకున్నారని ఆ సినిమా బిగ్గెస్ట్ బ్లాక్ బస్టర్ అయిందని విజయ్ పేర్కొన్నారు.

పుష్ప సినిమా రిలీజ్ కు ముందు కూడా ఒక జత పంపిస్తానని ఆ సినిమా కూడా ఖచ్చితంగా సక్సెస్ సాధిస్తుందని విజయ్ చెప్పుకొచ్చారు. పుష్ప పాటలు, ప్రమోషన్స్ ను చూస్తే మనం కూడా ఇంకా చేయాలని అనిపిస్తుందని విజయ్ పేర్కొన్నారు. బన్నీ పుష్ప సినిమాతో కొత్త ప్రపంచంలోకి తీసుకెళుతున్నారని విజయ్ వెల్లడించారు. డిసెంబర్ లో పుష్ప సినిమాను చూసేద్దామని అభిమానుల మద్దతు ఇకపై కూడా ఉంటుందని ఆశిస్తున్నానని విజయ్ దేవరకొండ కామెంట్లు చేశారు.

వరుడు కావలెను సినిమా రివ్యూ & రేటింగ్!

Most Recommended Video

రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!