అర్జున్ రెడ్డితో పెరిగిపోయిన విజయ్ దేవరకొండ క్రేజ్

పెళ్లి చూపులు సినిమాతో అందరి దృష్టిలో పడిన విజయ్ దేవరకొండ.. అర్జున్ రెడ్డితో టాక్ ఆఫ్ ది టాలీవుడ్ అయ్యాడు. సినిమా చూసిన ప్రతి ఒక్కరూ విజయ్ ని అభినందిస్తున్నారు. ప్రముఖ దర్శకుడు రామ్ గోపాల్ వర్మ కూడా తెలంగాణ మెగాస్టార్ అని బిరుదు కూడా ఇచ్చారు. ఇప్పుడు చిన్న చిత్రాలు నిర్మించే నిర్మాతలకు విజయ్ బెస్ట్ ఆప్చన్ అయ్యారు. స్టార్ హీరోలతో సినిమాలు నిర్మించ లేని వారు నాని, నిఖిల్ , నితిన్, శర్వానంద్ లాంటి చిన్న హీరోలతో సినిమాలు చేస్తూ వచ్చారు. ముఖ్యంగా నాని డేట్స్ కోసం క్యూలు కట్టేవారు. నాని సినిమాలు వరుసగా విజయాలు సాదిస్తుండడంతో అతని కోసం ఎదురు చూసేవారు.

నాని డేట్స్ దొరకని వారికీ విజయ్ వరం అయ్యారని టాలీవుడ్ వర్గాల వారు చెబుతున్నారు. పెళ్లిచూపులు సినిమాతో పాటు అర్జున్ రెడ్డి నిర్మాణ వ్యయానికి నాలుగు రెట్లు కలెక్షన్లు రావడంతో ఎలాగైనా విజయ్ డేట్స్ సంపాదించాలని నిర్మాతలు ప్రయత్నాలు మొదలెట్టారు. మరో రెండు సినిమాలు హిట్ కొడితే నానిని కూడా విజయ్ దేవరకొండ మించిపోతాడని ఫిలిం నగర్ వాసులు అభిప్రాయం వ్యక్తం చేస్తున్నారు.

Also, do SUBSCRIBE to our YouTube channel to get latest Tollywood updates.