పేరు మార్చుకున్న విజయ్ దేవరకొండ?

రౌడీ హీరో విజయ్ దేవరకొండ క్రేజ్ గురించి ప్రత్యేకంగా చెప్పనక్కర్లేదు. అతితక్కువ టైంలో సీనియర్ స్టార్ హీరోల కొడుకులకి కూడా సాధ్యం కానీ స్టార్ డం ను సొంతం చేసుకున్నాడు. యూత్ లో ఈయనకి విపరీతమైన ఫ్యాన్ ఫాలోయింగ్ ఉంది. ఇక ఈయన నటిస్తోన్న తాజా చిత్రం ‘వరల్డ్ ఫేమస్ లవర్’. రాశీ ఖన్నా హీరోయిన్ గా నటిస్తోన్న ఈ చిత్రానికి ‘మళ్ళీ మళ్ళీ ఇది రాని రోజు’ ఫేమ్ క్రాంతి మాధవ్ దర్శకుడు. తాజాగా ఈ చిత్రానికి సంబందించిన టీజర్ విడుదల అయ్యింది. అతి తక్కువ సమయంలోనే వైరల్ గా కూడా మారింది.

ఈ టీజర్ ఎలా ఉంది అన్నది పక్కన పెడితే.. అది చూసిన ప్రతీ ఒక్కరూ విజయ్ దేవరకొండ పేరు మార్చుకున్నాడు అనే కామెంట్స్ చేస్తున్నారు. అందుకు కారణం ఈ చిత్రం టీజర్ లో విజయ్ పేరు .. ‘దేవరకొండ విజయ్ సాయి’ అని ఉండటమే. మొన్నటికి మొన్న మెగా మేనల్లుడు సాయి ధరమ్ తేజ్ కూడా తన ‘చిత్రలహరి’ సినిమా కోసం తన పేరులోని ధరమ్ తీసేసి ‘సాయి తేజ్’ అని మార్చుకున్నాడు. ఇప్పుడు తేజు బాటలోనే విజయ్ కూడా తన పేరుని మార్చుకున్నాడు అని అందరూ అంటున్నారు. అయితే ‘అర్జున్ రెడ్డి’ ట్రైలర్ టైములో కూడా విజయ్ దేవరకొండ పేరు ‘దేవరకొండ విజయ్ సాయి’ అనే ఉంటుంది. కాబట్టి ఇప్పుడు విజయ్ ప్రత్యేకంగా పేరు మార్చుకోలేదనే చెప్పాలి.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!