ఆనంద్ దేవరకొండ బ్రదరాఫ్ విజయ్ దేవరకొండ అంటూ కెరీర్ను ప్రారంభించి… ఇప్పుడు ఆనంద్ దేవరకొండ అనే సింగిల్ నేమ్ను రిజిస్టర్ చేసుకునే పనిలో ఉన్నాడు. ఈ క్రమంలో ఆనంద్ చేసిన ‘బేబీ’ సినిమాకు అదిరిపోయే రెస్పాన్స్ వస్తోంది. ‘మొదటి ప్రేమ’ అనే కాన్సెప్ట్లో వచ్చిన ఈ సినిమా విజయం అందుకోవడంతో… దానిని ఇటీవల సెలబ్రేట్ చేసుకున్నారు. దీనికి రౌడీ స్టార్ విజయ్ దేవరకొండ ముఖ్య అతిథిగా వచ్చాడు. ఈ క్రమంలో సినిమా గురించి తన అభిప్రాయాన్ని ఓపెన్ రివ్యూ రూపంలో చెప్పేశాడు.
‘బేబీ’ సినిమా గురించి విజయ్ దేవరకొండ ప్రచారానికి రాలేదు. నీ సినిమాలు నువ్వు చెయ్, నువ్వు ఎదుగు అనే కాన్సెప్ట్లో ఆనంద్ను విజయ్ పుష్ చేస్తున్నాడట. అయితే ఈ సినిమా విజయం అందుకున్న నేపథ్యంలో తన ఆనందాన్ని వెలిబుచ్చాడు. యంగ్ టీమ్ సాధించిన విజయాన్ని చూసి చాలా ఆనందంగా ఉన్నాను. ప్రేక్షకుడిగా, ఆనంద్ సోదరుడిగా ఈ సక్సెస్ని నేనూ ఆస్వాదిస్తున్నాను. సినిమా ప్రివ్యూ తర్వాత చాలా భావోద్వేగానికి గురయ్యాను అంటూ ఆ రోజు రాత్రి జరిగింది చెప్పుకొచ్చాడు విజయ్.
‘‘బేబీ’ సినిమాని జులై 13 రాత్రి చూశా. సినిమా పూర్తయ్యాక నేనేం చెబుతానోనని నిర్మాత ఎస్కెఎన్, దర్శకుడు సాయి రాజేశ్ ఆసక్తిగా ఎదురుచూశారు. నాకు సినిమా బాగా నచ్చింది. కానీ, ఆ విషయం చెప్పడానికి మాటలు రాలేదు. నేనే కాదు.. ఆ రోజు థియేటర్ నుంచి బయటకొస్తున్న అందరూ భావోద్వేగానికి గురయ్యారు’’ అంటూ ఆ రోజు జరిగిన విషయాలను విజయ్ దేవరకొండ చెప్పుకొచ్చాడు. ఈ సినిమా చూసి రష్మిక మందన కూడా ఎమోషనల్ అయిన విషయం తెలిసిందే.
ఇక తాను సినిమాలు చూసే విధానంలో మార్పులు వచ్చిన విషయాన్ని కూడా విజయ్ చెప్పుకొచ్చాడు. నటుడు కాకముందు ప్రతి సినిమాని చూసి ఎంజాయ్ చేసేవాడట. అయితే ఇప్పడు అలా చూడడం కష్టమైందట. ప్రొఫెషనల్ కోణంలో చూడడమే అందుకు కారణమేమో అని అన్నాడు (Vijay Devarakonda) విజయ్. అయితే తాను యాక్టర్ అని మరిచిపోయేలా చేసిన సినిమా ‘బేబీ’ అంటూ పొగిడేశాడు.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
