అక్క కంటే చెల్లి ముందు పెళ్లి చేసుకోవడం మనం సినిమా ఇండస్ట్రీలో చూశాం. నిజ జీవితంలో ఇలాంటివి తక్కువ కానీ… సినిమాల్లో, సినిమావాళ్లో చూస్తుంటాం. రీసెంట్ విషయం గుర్తు చేసుకోవాలంటే… కాజల్నే తలచుకోవాలి. తను ముందు పెళ్లి చేసుకోకుండా, చెల్లి నిషా అగర్వాల్కు ముందే పెళ్లి చేసేసింది. ఇప్పుడు విజయ్ దేవరకొండ కూడా అదే పని చేయబోతున్నాడా? విజయ్ మాటలు చూస్తే అలానే అనిపిస్తోంది.
నా కంటేటే ముందు నా తమ్ముడు ఆనంద్కే పెళ్లి జరుగుతుంది అంటూ చెప్పుకొచ్చాడు విజయ్. ఆనంద్ ప్రధాన పాత్రలో నటించిన ‘పుష్పకవిమానం’ మరికొన్ని రోజుల్లో విడుదల కాబోతోంది. ఈ సినిమాలో ఆనంద్ అమాయక యువకుడిగా కనిపించబోతున్నాడు. దామోదర దర్శకత్వం వహించిన ఈ సినిమాకు విజయ్ దేవరకొండ నిర్మాత అనే విషయం తెలిసిందే. దీంతో ‘పుష్పక విమానం’ ప్రచారాన్ని ఇటీవల మొదలుపెట్టారు.
సినిమా ప్రచారంలో భాగంగా దేవరకొండ బ్రదర్స్ స్పెషల్ ఇంటర్వ్యూలో పాల్గొన్నారు. దానికి సంబంధించిన ప్రోమోలోనే ఈ పెళ్లి మ్యాటర్ వినిపించింది. ‘‘స్కూల్లో చదువుకునే రోజుల్లో వేసవి కాలం సెలవులకు ఇంటికి వచ్చేవాళ్లం. రెండు నెలలు ఇంట్లోనే సరదాగా ఉండేవాళ్లం. ఆ సమయంలో ఆనంద్ నన్ను బాగా విసిగించేవాడు’’ అంటూ తమ్ముడి మీద కంప్లైంట్ చేశాడు విజయ్. అయితే ‘‘నాకంటే ముందు ఆనంద్కే పెళ్లి అవుతుంది’’ అని విజయ్ అన్నాడు. దానికి సమాధానంగా ‘‘లేదు లేదు అన్నయ్యకే ముందు’’ అని ఆనంద్ సైగలు చేశాడు. చూడాలి మరి ముందు ఎవరు ఓ ఇంటివాడవుతాడో.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్ భామల రెమ్యూనరేషన్ ఎంతంటే?
