యానిమల్ సినిమా ద్వారా ఎంతో మంచి సక్సెస్ అందుకున్నారు డైరెక్టర్ సందీప్ రెడ్డి. ఈ సినిమా ద్వారా ఈయనకు మరో మంచి హిట్ సినిమా చేరడంతో ఈయన క్రేజ్ భారీగా పెరిగిపోయింది. ఇక ఈ సినిమా సక్సెస్ అయినటువంటి తరుణంలో ప్రభాస్ హీరోగా నటిస్తున్నటువంటి స్పిరిట్ సినిమాపై మరిన్ని అంచనాలు ఏర్పడ్డాయి. యానిమల్ సినిమా మంచి సక్సెస్ కావడంతో సందీప్ రెడ్డి వరుస ఇంటర్వ్యూలకు హాజరవుతున్నారు.
ఈ సందర్భంగా ఒక ఇంటర్వ్యూలో పాల్గొన్నటువంటి సందీప్ రెడ్డి తన అర్జున్ రెడ్డి సినిమా గురించి ఎన్నో విషయాలు వెల్లడించారు. అర్జున్ రెడ్డి సినిమా కథ సిద్ధం చేసుకుని నేను ఈ సినిమా కథను ముందుగా అల్లు అర్జున్ తో చేయాలని ఆయనకు కథ చెబుదామని వెళ్లాను కానీ నాకు అల్లు అర్జున్ కలిసే అవకాశమే రాలేదు. ఇక ఈ సినిమా కథ ద్వారా ఎంతోమంది దర్శకులను నిర్మాతలను కలిసినప్పటికీ ఎవరు కూడా ఓకే చేయలేదు అందుకే ఈ సినిమాకి నేనే డైరెక్టర్ నేనే నిర్మాతగా మారానని తెలిపారు.
ఇకపోతే విజయ్ దేవరకొండ నాకు నా స్నేహితుడి ద్వారా పరిచయమయ్యారు. ఈ సినిమా కథ తనకు చెప్పగా వెంటనే ఒప్పుకున్నారని అలా అర్జున్ రెడ్డి సినిమా తెరపైకి వచ్చిందని సందీప్ రెడ్డి వెల్లడించారు. అల్లు అర్జున్ ని కలిసే అవకాశమే రాని నాకు ఇప్పుడు ఏకంగా ఆయనతో సినిమా చేసే అవకాశం వచ్చిందని ఈయన తెలిపారు.
ఇలా ఎవరు ఎప్పుడు కలవాలన్నా ఎవరితో ఏ పని చేయాలన్నా సరైన సమయం రావాలని సమయం వచ్చినప్పుడే అన్ని జరుగుతాయి అంటూ ఈ సందర్భంగా సందీప్ రెడ్డి అల్లు అర్జున్ తో సినిమా చేయడం గురించి అలాగే తన అర్జున్ రెడ్డి సినిమా గురించి చేసినటువంటి కామెంట్స్ ప్రస్తుతం సోషల్ మీడియాలో వైరల్ అవుతున్నాయి. స్పిరిట్ సినిమా అనంతరం ఈయన యానిమల్ సీక్వెల్ ఆ తరువాతనే అల్లు అర్జున్ తో సినిమా చేయబోతున్నారని తెలుస్తోంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home