ఇండస్ట్రీలో ఒక హీరో కోసం రాసుకున్న కథను మరో హీరోతో తెరకెక్కించడం కామన్. ఈ మధ్య చాలా సినిమాల విషయంలో ఇలానే జరిగింది. అయితే ఓ యంగ్ హీరో అనుకున్న సబ్జెక్ట్ మరో యంగ్ హీరో దగ్గరకే వెళ్లేది. వాళ్ల ఏజ్, ఇమేజ్ దగ్గరగా ఉంటుంది కాబట్టి ఒప్పించడం ఈజీ అవుతుంది. కానీ ఇప్పుడు ఓ యంగ్ హీరో కోసం రాసుకున్న కథ సీనియర్ హీరో దగ్గరకు వెళ్లింది. అలాంటి రేర్ ఫీట్ ను వర్కవుట్ చేశాడు దర్శకుడు బాబీ.
‘వెంకీమామ’ తరువాత బాబీ ఇప్పటివరకు మరో సినిమా చేయలేదు. విజయ్ దేవరకొండ కోసం ఓ కథ రాసుకున్నాడు. ఇద్దరి మధ్య కథా చర్చలు కూడా జరిగాయి. కానీ విజయ్ ఈజీగా ఉండడం వలన బాబీ కథను యాక్సెప్ట్ చేయలేకపోయాడు. అదే సమయంలో బాబీకి మెగాస్టార్ ను డైరెక్ట్ చేసే ఛాన్స్ వచ్చింది. ఈ విషయాన్ని చిరు స్వయంగా వెల్లడించాడు. చిరంజీవి చెప్పారు కానీ సినిమా అసలు పట్టాలెక్కుతుందా..? అనే సందేహాలు ఉండేవి.
కానీ ఇప్పుడు కథ కూడా సెట్ అయిపోయినట్లు తెలుస్తోంది. బాబీ చెప్పిన కథ చిరుకి కూడా బాగా నచ్చిందట. ఇందులో చిరంజీవి డ్యూయెల్ రోల్ పోషించనున్నాడని వార్తలు వస్తున్నాయి. అయితే ఇది విజయ్ దేవరకొండ కోసం అనుకున్న కథ అని తెలుస్తోంది. కొన్ని మార్పులు చేసి చిరుకి వినిపించి ఓకే చేయించుకున్నట్లు తెలుస్తోంది. అయితే విజయ్ దేవరకొండ ఇమేజ్ వేరు.. చిరంజీవి రేంజ్ వేరు. అలాంటిది ఒకరి కోసం అనుకున్న కథను మరొకరితో ఎలా సెట్ చేసారో బాబీకే తెలియాలి!
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
Home