“ఖుషీ (Kushi) , ఫ్యామిలీ స్టార్ (Family Star)” సినిమాలతో పరాజయాలు చవిచూసిన విజయ్ దేవరకొండ (Vijay Devarakonda).. “కల్కి”లో (Kalki 2898 AD) అర్జునుడి పాత్ర పోషించి, ఆ పాత్రకు వస్తున్న రెస్పాన్స్ తో కాస్త హ్యాపీగా ఉన్నాడు. ఇప్పుడు అతడి ఆశలన్నీ గౌతమ్ (Gowtam Naidu Tinnanuri) దర్శకత్వంలో తెరకెక్కుతున్న తన 12వ చిత్రం మీదనే. ఆల్రెడీ ఫస్ట్ లుక్ లీక్ అవ్వడంతో ఉన్నపళంగా అఫీషియల్ గా ఫస్ట్ లుక్ రిలీజ్ చేయాల్సి వచ్చింది. ఇది పోలీస్ బ్యాక్ డ్రాప్ స్టోరీ అనే విషయం అందరికీ తెలిసిందే.
అయితే.. ఈ సినిమాలో విజయ్ దేవరకొండ ఒక హైలెవెల్ పోలీస్ ఆఫీసర్ గా నటిస్తున్నాడు అనుకున్నారు అందరూ. కట్ చేస్తే.. ఈ చిత్రంలో విజయ్ దేవరకొండ క్యారెక్టర్ ఏమిటి అనేది లీక్ అయిపోయింది. అదే సినిమాలో ముఖ్యపాత్ర పోషిస్తున్న మురళీధర్ గౌడ్ (Muralidhar Goud) ఓ యూట్యూబ్ ఛానల్ కి ఇచ్చిన ఇంటర్వ్యూలో మాట్లాడుతూ.. తాను ఈ చిత్రంలో ఇన్స్పెక్టర్ & విజయ్ కానిస్టేబుల్ పాత్ర పోషిస్తున్నాడని చెప్పేశాడు. దాంతో ఆ క్లిప్ అండ్ న్యూస్ సోషల్ మీడియాలో వైరల్ అవుతున్నాయి.
మరి విజయ్ ఈ సినిమాలో గుండు & గెడ్డం లుక్ లో మంచి మాస్ క్యారెక్టర్ ప్లే చేస్తున్నట్లుగా ఫస్ట్ లుక్ రిలీజ్ చేసారు కాబట్టి.. సినిమాలో రెండు విభిన్నమైన షేడ్స్ ఉన్న పాత్రలో విజయ్ కనిపిస్తాడా లేక విజయ్ పాత్రలో మరో కోణం ఏమైనా ఉంటుందా అనేది వేచి చూడాల్సిన విషయం. అయితే.. ప్రస్తుతం ఈ చిత్రం షూటింగ్ కు చిన్న బ్రేక్ పడింది.
మార్చి 28, 2025 విడుదలకు సిద్దమవుతున్న ఈ చిత్రం ఇటీవలే శ్రీలంకలో ఒక షెడ్యూల్ ముగించుకున్న చిత్రబృందం ప్రస్తుతం అనిరుధ్ రవిచందర్ కోసం వెయిట్ చేస్తోంది, అనిరుధ్ “హుకుం” టూర్ పూర్తిచేసుకుని వచ్చిన తర్వాత మిగిలిన పాటలు మరియు బ్యాగ్రౌండ్ స్కోర్ మీద వర్క్ మొదలెడతాడట. సితార సంస్థ నిర్మిస్తున్న ఈ చిత్రంపై దర్శకుడు గౌతమ్ ట్రాక్ రికార్డ్ పుణ్యమా అని మంచి అంచనాలున్నాయి. మరి ఈ సినిమాతోనైనా విజయ్ దేవరకొండ తన ఫ్లాప్ స్ట్రీక్ కు బ్రేక్ వేస్తాడో లేదో చూడాలి.
