అప్పుడే పెళ్లా..నేను ఇంకా చిన్న పిల్లాడినే..!

టాలీవుడ్ లో తక్కువ సమయంలో ఎక్కువ ఫాలోయింగ్ తెచ్చుకున్న హీరో విజయ్ దేవరకొండ. అర్జున్ రెడ్డి సినిమాతో హీరోగా గుర్తింపు తెచ్చుకున్న విజయ్ గీత గోవిందం హిట్ తరువాత భారీ ఫ్యాన్ ఫాలోయింగ్ సంపాదించాడు. ఈ హీరోకి లేడీ ఫాలోయింగ్ కూడా తక్కువేమీ కాదు. మరి ఈ రొమాంటిక్ యంగ్ హీరో పెళ్లి మాట ఎత్తితే నాకా పెళ్లా ..?అంటున్నాడు. తాజా ఇంటర్వ్యూ లో విజయ్ దేవరకొండను ఎప్పుడు పెళ్లి చేసుకుంటారు అని అడుగగా ”ఇంట్లో వాళ్ళు పెళ్లి ప్రస్తావన తెస్తున్నారు.

ఐతే నా దృష్టిలో నేను ఇంకా చిన్న పిల్లాడినే. పెళ్లి బంధాలు హ్యాండిల్ చేసేంత మెచ్యూరిటీ నాకు లేదని నా నమ్మకం. నాకు కుటుంబ అనుబంధాలు ఇష్టమే కానీ పెళ్ళికి ఇది సరైన సమయం కాదని అనుకుంటున్నాను. పెళ్ళికి ఇంకా చాలా సమయం ఉంది” అని చెప్పేశాడు. గతంలో విజయ్ దేవరకొండ గురించి కొన్ని అఫైర్స్ కూడా బయటికి వచ్చాయి. హీరోయిన్ రష్మిక మందానకు విజయ్ దేవరకొండకు మధ్య ఎదో నడుస్తుందని వార్తలు వచ్చాయి.

అలాగే ఓ విదేశీ వనితతో ఈయన కొన్నాళ్ళు డేటింగ్ చేశాడని కూడా తెలిసింది. కాగా విజయ్ దేవరకొండ ప్రస్తుతం దర్శకుడు పూరి జగన్నాధ్ దర్శకత్వంలో ఓ మూవీ చేస్తున్నాడు. ఈ మూవీలో విజయ్ ప్రొఫెషనల్ ఫైటర్ లా కనిపించనున్నాడు. పూరి కనెక్ట్స్ మరియు ధర్మ ప్రొడక్షన్స్ సంయుక్తంగా నిర్మిస్తున్న ఈ చిత్రం పాన్ ఇండియా చిత్రంగా పలు భాషలలో విడుదల కానుంది. విజయ్ గత చిత్రం వరల్డ్ ఫేమస్ లవర్ భారీ అంచనాల మధ్య విడుదలై పరాజయం చవిచూసింది. దీనితో విజయ్ ఆశలన్నీ పూరి సినిమాపై పెట్టుకున్నాడు.

Most Recommended Video

‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!
అమృతారామమ్ సినిమా రివ్యూ & రేటింగ్!