Vijay Deverakonda: విజయ్ దేవరకొండ-ఇంద్రగంటి సినిమా సెట్ అవుతుందా..?

September 16, 2022 / 01:44 PM ISTByFilmy Focus

Join Us

Vijay Deverakonda: విజయ్ దేవరకొండ-ఇంద్రగంటి సినిమా సెట్ అవుతుందా..?

ఈ శుక్రవారం నాడు మొత్తం కొన్ని సినిమాలు విడుదల కాబోతున్నాయి. అందులో సుధీర్ బాబు నటించిన ‘ఆ అమ్మాయి గురించి మీకు చెప్పాలి’ సినిమా కూడా ఉంది. ఇంద్రగంటి మోహనకృష్ణ దర్శకత్వం వహించిన ఈ సినిమాలో కృతిశెట్టి హీరోయిన్ గా నటించింది. అయితే ఈ సినిమా ఎలా ఉంటుందా..? అని రిజల్ట్ కోసం ఆసక్తిగా ఎదురుచూస్తున్నారు రౌడీ హీరో విజయ్ దేవరకొండ. ఎందుకంటే.. దిల్ రాజు బ్యానర్ లో విజయ్ ఓ సినిమా చేయాలనుకుంటున్నారు.

విజయ్ కి కథ సెట్ చేయడం కోసం దిల్ రాజు చాలా మంది దర్శకులను సంప్రదిస్తున్నారు. వారిలో ఇంద్రగంటి మోహనకృష్ణ కూడా ఉన్నారు. ఇంద్రగంటితో సినిమా అంటే నిర్మాతలకు కొన్ని లాభాలు ఉంటాయి. ఆయన అనుకున్న బడ్జెట్ లో త్వరగా సినిమాను తీయగలరు. పైగా ఆయన సినిమాలన్నీ మినిమం గ్యారెంటీ హిట్లు. అలానే రిఫ్రెషింగ్ కథలతో సినిమాలు తీస్తారు. ప్రస్తుతం విజయ్ దేవరకొండ ఉన్న సిట్యుయేషన్ లో కచ్చితంగా హిట్టు కొట్టి తీరాలి.

అందుకే ఇంద్రగంటితో సినిమా చేయడానికి విజయ్ ఆసక్తి చూపిస్తున్నారు. అయితే ఇండస్ట్రీలో ఒకరికి ఛాన్స్ రావాలంటే హిట్టు, ప్లాప్ రికార్డ్స్ తప్పకుండా చూస్తారు. ఇప్పుడు ఇంద్రగంటి రూపొందించిన ‘ఆ అమ్మాయి గురించి మీకు చెప్పాలి’ సినిమా హిట్ అయితేనే విజయ్ దేవరకొండ సినిమా ఉంటుంది. ఫలితం తేడా కొడితే మాత్రం విజయ్ రిస్క్ చేసే పరిస్థితి లేదు.

ఇప్పటికే ఆయన కెరీర్ లో చాలా ప్లాప్స్ పడ్డాయి. ‘లైగర్’ సినిమా విజయ్ ని ఎంత పెద్ద దెబ్బ కొట్టిందో తెలిసిందే. ఇలాంటి సమయంలో విజయ్ రిస్క్ చేయరు. మరి విజయ్-ఇంద్రగంటి కాంబో సెట్ అవుతుందో లేదో చూడాలి!