అతడినే కన్ఫార్మ్ చేస్తున్నారా..?

January 22, 2021 / 07:48 PM ISTByFilmy Focus

Join Us

ప్రస్తుతం పుష్ప సినిమాకి విలన్ ని వెతికే వేటలో ఉన్నాడు డైరెక్టర్ సుకుమార్. నిజానికి ఈ సినిమా స్టార్ట్ చేసేటపుడు తమిళ డ్యాషింగ్ యాక్టర్ అయిన విజయ్ సేతుపతిని విలన్ గా తీసుకున్నారు. కానీ, కొన్ని పర్సనల్ కారణాలవల్ల ఆ సినిమా నుంచి తప్పుకున్నాడు విజయ్ సేతుపతి. అయితే, విజయ్ నటించిన మాస్టర్ లో విలనిజంతో తన మార్క్ ని మరోసారి తెలుగు ప్రేక్షకులకి చూపించాడు. ఆ తర్వాత సుకుమార్ నిర్మిస్తున్న ఉప్పెన సినిమాలో కూడా విలన్ గా నటిస్తున్నాడు. ఇప్పుడు ఇదంతా ఎందుకు అంటే, విజయ్ సేతుపతిని ప్రభాస్ కి విలన్ గా సలార్ లో తీస్కోబోతున్నారు అనే టాక్ ఒకటి సోషల్ మీడియాలో హల్ చల్ చేస్తోంది.

ప్రస్తుతానికి సినిమా యూనిట్ నుంచి ఎలాంటి అఫీషియల్ ఇన్ఫర్మేషన్ లేకపోయినా కూడా, పవర్ ఫుల్ విలన్ కావాలని విజయ్ ని సంప్రదించారని , విజయ్ కూడా ప్రభాస్ సినిమాకి గ్రీన్ సిగ్నల్ ఇచ్చాడని కోలీవుడ్ తంబీల దగ్గర్నుంచి వస్తున్న సమాచారం. ఈ సినిమాని రీసంట్ గా ప్రశాంత్ నీల్, యష్, ప్రభాస్ ముగ్గురూ కలిసి గ్రాండ్ గా ఓపెన్ చేసిన సంగతి తెలిసిందే. నిజానికి ఫస్ట్ నుంచి ఈ సినిమాలో విలన్ గా బాలీవుడ్ యాక్టర్ జాన్ అబ్రహాం పేరు వినిపించింది.

కానీ, ఇప్పుడు సడన్ గా విజయ్ సేతుపతి సినిమాలో మైయిన్ విలన్ గా చేస్తున్నాడని న్యూస్ వినిపిస్తోంది. బహుశా మాస్టర్ లో అవుట్ స్టాండింగ్ పెర్ఫామెన్స్ చూసి అతడినే కన్ఫార్మ్ చేయబోతున్నారనే అంటున్నారు. మరి చూద్దాం.. అఫీషియల్ గా ఎవరి పేరు వినిపిస్తుంది అనేది.