మురళీ శర్మ కామెడీ అదిరిపోయింది.. విష్ణు కథ వినాల్సిందే..!

ఫస్ట్ ఫిలిం ‘రాజావారు రాణిగారు’ తో ఆడియన్స్‌ని ఆకట్టుకుని, ‘ఎస్.ఆర్.కళ్యాణమండపం’తో యూత్‌లో గుర్తింపు తెచ్చుకున్న యంగ్ అండ్ టాలెంటెడ్ యాక్టర్ కమ్ రైటర్ కిరణ్ అబ్బవరం ఆ తర్వాత చేసిన సినిమాలతో అంచనాలు అందుకోలేకపోయాడు. ప్రస్తుతం వరుస సినిమాలతో బిజీగా ఉన్నాడు. కిరణ్, కష్మీరా జంటగా, అల్లు అరవింద్ సమర్పణలో జీఏ2 పిక్చర్స్ బ్యానర్ మీద బ్ననీ వాసు నిర్మిస్తున్న మూవీ ‘వినరో భాగ్యము విష్ణు కథ’.. మురళీ కిషోర్ అబ్బూరు దర్శకుడిగా పరిచయమవుతున్నాడు.

మంగళవారం ఈ సినిమా టీజర్ రిలీజ్ చేశారు. కిరణ్ మరో కొత్త కాన్సెప్ట్‌తో ప్రేక్షకుల ముందుకు రాబోతున్నాడు. ఈసారి పక్కా హిట్ కొట్టబోతున్నాడనిపించేలా ఉంది టీజర్. క్లుప్తంగా కథ అన్ని ఎలిమెంట్స్‌తో ఆకట్టుకునేలా ఉండబోతుందని, మిగతా వివరాలు త్వరలో చెప్తాను అంటూ డిఫరెంట్‌గా కట్ చేసిన టీజర్ మంచి రెస్పాన్స్ దక్కించుకుంటుంది. ‘నా పేరు విష్ణు.. మా జీవితాలన్నీ ఏడు కొండలు చుట్టూ తిరుగుతూ ఉంటాయ్.. ఇంకొన్ని రోజుల్లో మీరందరూ చూడబోయేదే నా కథ..

ఈ రోజుల్లో లవ్ లేకుండా ఏ స్టోరీ ఉంది సార్.. లవ్వే ఇప్పుడు పెద్ద కామెడీ అయిపోయింది. కాన్సెప్ట్‌తో మొదలై, లవ్, కామెడీ మిక్స్ అయ్యి, రైట్ నుంచి సస్పెన్స్ వైపు సాగే ఇంటెన్స్ యాక్షన్ డ్రామా’ అనుకోవచ్చు అంటూ కథలో అన్ని ఎలిమెంట్స్ ఉన్నాయని హింట్ ఇచ్చారు. కిరణ్ ఎప్పటిలానే తన స్టైల్ పర్ఫార్మెన్స్‌తో ఆకట్టుకున్నాడు. ఇక మురళీ శర్మ కామెడీ అయితే అదిరిపోయింది. ఆమనిని ఆంటీ అని పిలవడం,

‘అఖండ’ లోని ‘జై బాలయ్య’ పాటలో బాలయ్యలా షర్ట్స్ మార్చే మూమెంట్ చేయడం, చివర్లో ‘అల వైకుంఠపురములో’ ని ‘నీ కాళ్లని పట్టుకు’ సాంగ్ ఫ్లోర్ స్టెప్ చేయడం వంటివి చూస్తే సినిమాలో మురళీ శర్మ కామెడీ హైలెట్ కానుందని అర్థమవుతోంది. ఆమని, దేవి ప్రసాద్, శుభలేఖ సుధాకర్, ఎల్బీ శ్రీరామ్, ప్రవీణ్ తదితరులు నటిస్తున్న ఈ చిత్రానికి చైతన్ భరద్వాజ్ న సంగీతమందిస్తున్నారు. ఫిబ్రవరి ‘వినరో భాగ్యము విష్ణు కథ’ ప్రేక్షకుల ముందుకు రానుంది.

8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!

రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!