సాయి ధరమ్ తేజ్ బైక్ ప్రమాదం నుండి కోలుకున్నాక చేసిన మొదటి సినిమా ‘విరూపాక్ష’. ‘శ్రీ వెంకటేశ్వర సినీ చిత్ర’ ‘సుకుమార్ రైటింగ్స్’ బ్యానర్లపై బీవీఎస్ఎన్ ప్రసాద్ నిర్మించిన ఈ పాన్ ఇండియా మూవీకి సుకుమార్ స్క్రీన్ ప్లే ను అందించగా కార్తీక్ దండు దర్శకత్వం వహించాడు. ఆల్రెడీ ఈ చిత్రం నుండి గ్లింప్స్ విడుదల చేయడం దానికి సూపర్ రెస్పాన్స్ రావడం జరిగింది.ఎన్టీఆర్ దానికి వాయిస్ ఓవర్ ఇచ్చిన సంగతి తెలిసిందే. వరుస విజయాలతో ఊపు మీదున్న సంయుక్త మీనన్ హీరోయిన్ గా నటించిన సినిమా ఇది. తాజాగా ఈ చిత్రం నుండి టీజర్ ని రిలీజ్ చేశారు. అదెలా ఉందో తెలుసుకుందాం రండి…
‘చరిత్రలో ఇలాంటి ఒక సంఘటన జరగడం ఇదే మొదటిసారి. దీనిని నుంచి బయటపడటానికి ఒకే ఒక మార్గం ఉంది’ అనే డైలాగ్ తో టీజర్ మొదలైంది. ఒక ఊరు, అక్కడి జనాల మూఢనమ్మకాలు. ఓ సమస్య వల్ల తలెత్తిన చావులు.. ఆ మిస్టరీని రివీల్ చేయడానికి బయలుదేరిన హీరో… ఇదే థీమ్ తో ‘విరూపాక్ష’ టీజర్ ను కట్ చేశారు. చాలా సస్పెన్స్ అండ్ ఇంటెన్సిటీకి గురిచేసే ఎలిమెంట్స్ సినిమాలో ఉన్నట్టు స్పష్టమవుతుంది. విజువల్స్ చాలా బాగున్నాయి. సినిమాటోగ్రాఫర్ షామ్ దత్ సైనుద్దీన్ వర్క్ ఆకట్టుకునేలా కనిపిస్తుంది.
‘కాంతార’ ఫేమ్ అజనీష్ లోకనాథ్ సంగీత దర్శకుడు. అతని బిజీయం కూడా టీజర్ కు స్పెషల్ అట్రాక్షన్ గా నిలిచింది. కాకపోతే సాయి ధరమ్ తేజ్ ఈ సినిమా కోసం విగ్గు వాడినట్టు స్పష్టమవుతుంది. అతని లుక్స్ క్యారెక్టర్ ఆర్టిస్ట్ షఫిని గుర్తుచేస్తున్నాయి. అది తప్ప.. ఈ టీజర్ చాలా బాగుందనే చెప్పాలి. ఏప్రిల్ 21వ తేదీన ఈ మూవీ తెలుగుతో పాటు హిందీ, తమిళ, కన్నడ, మలయాళం భాషల్లో రిలీజ్ కానుంది. ఇంకెందుకు ఆలస్యం ఈ టీజర్ ను మీరు కూడా ఓ లుక్కేయండి :
