Vishwambhara: ‘విశ్వంభర’ కొత్త రిలీజ్ డేట్ ఇదే.. ఓపెనింగ్స్..కి ఢోకా లేనట్టే

May 11, 2026 / 06:25 PM ISTByPhani Kumar

Join Us

మెగాస్టార్ చిరంజీవి ప్రధాన పాత్రలో తెరకెక్కుతున్న బడ్జెట్ సోషియో ఫాంటసీ మూవీ ‘విశ్వంభర'(Vishwambhara). ‘బింబిసార’ ఫేమ్ మల్లిడి వశిష్ట్ దర్శకత్వంలో రూపొందుతున్న ఈ సినిమాపై మొదటి నుండి భారీ అంచనాలు ఏర్పడ్డాయి.

Vishwambhara

వాస్తవానికి 2025 సంక్రాంతికే ఈ చిత్రాన్ని విడుదల చేస్తామని ప్రకటించారు. కానీ కొన్ని కారణాల వల్ల ఆ టైంకి సినిమాని రిలీజ్ చేయలేదు. అందుకు రకరకాల కారణాలు చెప్పారు కానీ.. అవేమీ నిజం కాదు అని తర్వాత తేలింది.

vishwambhara movie

వీఎఫ్ఎక్స్ వర్క్ అనుకున్నట్టు రాకపోవడం.. తర్వాత వేరే కంపెనీకి వాటి పనులు అప్పగించడంతో సినిమా డిలే అయ్యింది. క్వాలిటీ ఔట్పుట్ వచ్చే వరకు ఈ సినిమాని విడుదల చేయకూడదని మేకర్స్ డిసైడ్ అయినట్టు టాక్ వినిపించింది.అయితే కొద్దిరోజుల క్రితం ఈ సినిమాని జూలై 10న విడుదల చేసేందుకు సన్నాహాలు చేస్తున్నట్టు మెగాస్టార్ చిరంజీవి మీడియా ప్రతినిధులతో వెల్లడించారు.కానీ ఇప్పుడు ఆ డేట్ కి కూడా ‘విశ్వంభర’ రావడం కష్టమే అని తేలింది.

దీంతో కొత్త డేట్ కోసం మేకర్స్ అన్వేషించడం.. ఫైనల్ గా ఓ మంచి డేట్ అనుకోవడం జరిగింది. తాజా సమాచారం ప్రకారం ఆగస్టు 15న (స్వాతంత్య్ర దినోత్సవం కానుకగా) ‘విశ్వంభర’ చిత్రాన్ని ప్రేక్షకుల ముందుకు తీసుకురావాలని మేకర్స్ డిసైడ్ అయ్యారట. ఆగస్టు 15 ఇండియా వైడ్ హాలిడే.. అలాగే లాంగ్ వీకెండ్ అడ్వాంటేజ్ కూడా ఉంది. ఆ డేట్ కి ఇప్పటివరకు ఏ పెద్ద సినిమాని అనౌన్స్ చేయలేదు. సో అన్ని రకాలుగా ఇది మంచి డేట్ అని ‘విశ్వంభర’ యూనిట్ భావిస్తున్నట్టు తెలుస్తోంది.