Viswak sen: విశ్వక్ సేన్ సినిమా బాలీవుడ్ కి వెళ్తోంది!

నటుడు విశ్వక్ సేన్ కి టాలీవుడ్ లో మంచి గుర్తింపు ఉంది. ఆయన నటించిన సినిమాల్లో ‘ఫలక్ నుమా దాస్’ ఒకటి. బ్లాక్ బస్టర్ కాకపోయినా.. ప్రొడ్యూసర్స్ కి మంచి లాభాలు తీసుకొచ్చింది. విశ్వక్ సేన్ కి దర్శకుడిగా గుర్తింపు వచ్చింది. ఈ సినిమా మలయాళ కథ ‘అంగమలై డైరీస్’కు రీమేక్. 2017లో విడుదలైన ఈ క్లాసిక్ సినిమా విమర్శకుల ప్రశంసలు అందుకుంది. ముఖ్యంగా క్లైమాక్స్ సన్నివేశాలు హైలైట్ గా నిలిచాయి.

ఇప్పుడు ఈ సినిమాను బాలీవుడ్ లో రీమేక్ చేయాలనుకుంటున్నారు. ‘ఖైదీ’, ‘మాస్టర్’ రీసెంట్ గా విడుదలైన ‘విక్రమ్’ సినిమాల్లో క్యారెక్టర్ ఆర్టిస్ట్ గా నటించిన అర్జున్ దాస్ ని హీరోగా పరిచయం చేస్తూ ఈ సినిమాను తెరకెక్కిస్తున్నారు. మధుమిత సుందరరామన్ దర్శకత్వం వహించనున్నారు. అర్జున్ దాస్ కి కోలీవుడ్ లో మంచి క్రేజ్ ఉంది. ఆయన వాయిస్ కి చాలా మంది అభిమానులు ఉన్నారు. ఇప్పుడు అతడు హీరోగా బాలీవుడ్ లో సినిమా తెరకెక్కడం విశేషం.

సూర్య నటించిన ‘ఆకాశమే నీ హద్దురా’ సినిమాను హిందీలో నిర్మిస్తోన్న నిర్మాణ సంస్థే ఇప్పుడు అర్జున్ దాస్ తో మరో రీమేక్ ప్లాన్ చేస్తోంది. మలయాళ, తెలుగు భాషల్లో హిట్ అయిన ఈ సినిమాను బాలీవుడ్ ప్రేక్షకులు ఎంతవరకు ఆదరిస్తారో చూడాలి. ఇదిలా ఉండగా.. విశ్వక్ సేన్ ‘ఫలక్ నుమా దాస్’ సినిమాకి పార్ట్ 2 తీయాలనుకుంటున్నారు.

మొదటి భాగంలో కథను ఇక్కడితో ఎండ్ చేశారో అక్కడ నుంచే పార్ట్ 2 కంటిన్యూ చేయనున్నారు. ఇప్పటికే స్క్రిప్ట్ పనులు మొదలయ్యాయి. ఈసారి పూర్తిగా సొంత వెర్షన్ ను డెవెలప్ చేయబోతున్నారు. ఈ సినిమా పెద్దగా ఆడకపోవడంతో.. సీక్వెల్ ఎందుకనే కామెంట్స్ వినిపించాయి. కానీ విశ్వక్ సేన్ మాత్రం ఈ సినిమాతోనే తనకు బ్రేక్ వచ్చిందని.. కాబట్టి సినిమాను కంటిన్యూ చేస్తానని అంటున్నారు. మలయాళంలో మాత్రం పార్ట్ 2 రాలేదు.

విరాటపర్వం సినిమా రివ్యూ & రేటింగ్!

Most Recommended Video

‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!