Vv Vinayak: ప్రభాస్ గొప్పదనం చెప్పేసిన వినాయక్!

యంగ్ రెబల్ స్టార్ ప్రభాస్ టాలీవుడ్ ఇండస్ట్రీలోని చాలామంది డైరెక్టర్లకు ఫేవరెట్ హీరో అనే సంగతి తెలిసిందే. ప్రభాస్ హీరోగా ఒక్క సినిమా అయినా డైరెక్ట్ చేయాలని చాలామంది దర్శకులు కోరుకుంటారు. టాలీవుడ్ ఇండస్ట్రీ నుంచి హీరోగా ఒక్కో సినిమాకు 100కోట్ల రూపాయల పారితోషికం తీసుకుంటున్న హీరో ప్రభాస్ మాత్రమే కావడం గమనార్హం. తాజాగా డార్లింగ్ ప్రభాస్ గురించి వినాయక్ ఆసక్తికర వ్యాఖ్యలు చేశారు. ప్రభాస్ వినాయక్ కాంబినేషన్ లో యోగి సినిమా తెరకెక్కిన సంగతి తెలిసిందే.

ఈ సినిమా బాక్సాఫీస్ వద్ద ఆశించిన స్థాయిలో సక్సెస్ సాధించలేదు. ప్రస్తుతం వినాయక్ ప్రభాస్ హీరోగా నటించి బ్లాక్ బస్టర్ హిట్ గా నిలిచిన ఛత్రపతి సినిమాను రీమేక్ చేస్తున్నారు. బెల్లంకొండ శ్రీనివాస్ ఈ సినిమాలో హీరోగా నటిస్తుండగా బాలీవుడ్ లో బెల్లంకొండ శ్రీనివాస్ నటిస్తున్న తొలి సినిమా ఇదే కావడం గమనార్హం. తాజాగా వినాయక్ ఒక ఇంటర్వ్యూలో మాట్లాడుతూ ప్రభాస్ కు నేనంటే చాలా ఇష్టమని మిడ్ నైట్ ఫోన్ కాల్ చేసినా కాల్ లిఫ్ట్ చేసి మాట్లాడతాడని చెప్పుకొచ్చారు.

చిరంజీవితో కూడా తనకు మంచి అనుబంధం ఉందని అయ్యప్పనుమ్ కోషియమ్ రీమేక్ లో తాను అతిథి పాత్రలో నటిస్తున్నానని వినాయక్ వెల్లడించారు. రానా కాంబినేషన్ లో సన్నివేశాలు ఉంటాయని సినిమాలో తాను డైరెక్టర్ గా కనిపిస్తానని వినాయక్ చెప్పుకొచ్చారు. ఈ మధ్య కాలంలో సరైన విజయం లేని వినాయక్ ఛత్రపతి రీమేక్ తో సక్సెస్ సాధిస్తారేమో చూడాల్సి ఉంది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!