Pawan Kalyan: ‘అయ్యప్పనుమ్ కోశియుమ్’ రీమేక్ లో స్టార్ డైరెక్టర్!

టాలీవుడ్ లో ఎన్నో హిట్ సినిమాలను రూపొందించి స్టార్ డైరెక్టర్ గా గుర్తింపు తెచ్చుకున్న వి.వి.వినాయక్ కు ఈ మధ్య అవకాశాలు బాగా తగ్గాయి. చిరంజీవి ‘లూసిఫర్’ రీమేక్ ను వినాయక్ డైరెక్ట్ చేస్తారని వార్తలొచ్చాయి. కానీ ఆయన చేసిన మార్పులు చిరుకి నచ్చకపోవడంతో ప్రాజెక్ట్ చేతులో దాటింది. ఇదిలా ఉండగా.. ఇప్పుడు వినాయక్ ఓ క్రేజీ ప్రాజెక్ట్ లో గెస్ట్ రోల్ లో కనిపించబోతున్నారని సమాచారం. పవర్ స్టార్ పవన్ కళ్యాణ్ వరుస సినిమాలను లైన్లో పెడుతోన్న సంగతి తెలిసిందే.

ఇటీవల ఆయన నటించిన ‘వకీల్ సాబ్’ సినిమా ప్రేక్షకుల ముందుకు వచ్చింది. ప్రస్తుతం ఆయన క్రిష్ రూపొందిస్తోన్న ‘హరిహర వీరమల్లు’ అలానే మలయాళ సినిమా ‘అయ్యప్పనుమ్ కోశియుమ్’ రీమేక్ లలో నటిస్తున్నాడు. సాగర్ చంద్ర డైరెక్ట్ చేస్తోన్న ఈ మలయాళ రీమేక్ కి త్రివిక్రమ్ స్క్రీన్ ప్లే, మాటలు అందిస్తున్నారు. అయితే ఈ సినిమాలో ఒక క్యామియో రోల్ ఉంది. ఒరిజినల్ వెర్షన్ లో మలయాళీ దర్శకుడు సాచీ కనిపించారు.

ఇప్పుడు అదే పాత్రను తెలుగులో వినాయక్ తో చేయించారట. ఇటీవల ఈ సన్నివేశాలకు సంబంధించిన షూటింగ్ కూడా పూర్తయిందని సమాచారం. రానా కాంబినేషన్ లో ఈ సన్నివేశాలు ఉంటాయని తెలుస్తోంది. వినాయక్ గతంలో ‘ఠాగూర్’, ‘ఖైదీ నెంబర్ 150’ సినిమాల్లో ఇలానే గెస్ట్ రోల్స్ లో కనిపించారు. మళ్లీ ఇంతకాలానికి ఆయన వెండితెరపై కనిపించబోతున్నారు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!