స్టార్ డైరెక్టర్ వీవీ వినాయక్ హీరోగా ఆ మధ్య ‘సీనయ్య’ అనే సినిమాను మొదలుపెట్టారు. దిల్ రాజు ఈ సినిమాను నిర్మించాలనుకున్నారు. ఓపెనింగ్ కూడా చాలా గ్రాండ్ గా జరిగింది. కానీ కొన్ని కారణాల వలన ఈ సినిమా క్యాన్సిల్ అయింది. ఆ సినిమా దర్శకుడు నరసింహారావు ఇచ్చిన ఫైనల్ నేరేషన్ నచ్చకపోవడంతో సెట్స్ పైకి వెళ్లకముందే ‘సీనయ్య’ సినిమా ఆగిపోయింది. ఇక వినాయక్ యాక్టింగ్ కెరీర్ కి మొదటి సినిమాతోనే బ్రేక్ పడింది.
ఆ తరువాత బెల్లంకొండ సాయి శ్రీనివాస్ తో వినాయక్ దర్శకుడిగా ‘ఛత్రపతి’ హిందీ రీమేక్ మొదలుపెట్టి బిజీ అయిపోయారు. అయితే ఇప్పుడు వినాయక్ హీరోగా కొత్త సినిమా ఒకటి ఫిక్స్ చేసుకున్నారని తెలుస్తోంది. తాజాగా వినాయక్ కి ఓ కొత్త దర్శకుడు ఇంట్రెస్టింగ్ కథ చెప్పాడట. వినాయక్ కి కథ బాగా నచ్చడంతో ఆ దర్శకుడిని వర్క్ మొదలుపెట్టమని చెప్పేశారట. ప్రస్తుతానికి ఈ సినిమా గురించి ఎలాంటి వివరాలు లేవు కానీ ప్రాజెక్ట్ మాత్రం లాక్ అయిందని టాక్.
అన్నీ కుదిరితే దిల్ రాజునే ఈ సినిమాను నిర్మించే అవకాశం ఉంది. ప్రస్తుతం ‘ఛత్రపతి’ రీమేక్ కి సంబంధించిన ఫైనల్ షెడ్యూల్ మిగిలింది. ఆ సినిమా షూటింగ్ పూర్తి చేసిన వెంటనే తను హీరోగా తెరకెక్కనున్న సినిమాను మొదలుపెట్టనున్నారు వినాయక్. దర్శకుడిగా వినాయక్ తెలుగులో ఎన్నో మాస్ సినిమాలు చేశారు. కానీ ఈ మధ్యకాలంలో ఆయన కాస్త జోరు తగ్గించారు. ఈ క్రమంలో నటుడిగా మారాలనుకుంటున్నారు. అలా మొదలుపెట్టిన తొలి ప్రయత్నం బెడిసికొట్టింది. మరి ఈసారైనా అతడి ప్రయత్నం వర్కవుట్ అవుతుందేమో చూడాలి!
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
Home
