మెగాస్టార్ చిరంజీవి, శృతి హాసన్ జంటగా.. కె.ఎస్.రవీంద్ర (బాబీ) దర్శకత్వంలో.. మైత్రీ మూవీ మేకర్స్ సంస్థ నిర్మిస్తున్న పక్కా మాస్ అండ్ యాక్షన్ ఎంటర్‌టైనర్.. ‘వాల్తేరు వీరయ్య’.. ఒకప్పటి వింటేజ్ చిరుని మళ్లీ ఈ సినిమాలో చూడబోతున్నారు ప్రేక్షకాభిమానులు.. అందుకు తగ్గట్టే ఊర మాస్ గెటప్‌లో కనిపిస్తున్నారాయన.. ఇటీవల రిలీజ్ చేసిన ‘బాస్ పార్టీ’ లిరికల్ సాంగ్ అయితే ఓ రేంజ్‌లో రచ్చ చేస్తోంది.. జనవరి 13న ‘వాల్తేరు వీరయ్య’ గా మెగాస్టార్ మాస్ జాతర ఎలా ఉంటుందో థియేటర్లలో చూడబోతున్నారంటూ రిలీజ్ డేట్‌తో వదిలిన చిరంజీవి లుక్ అదిరిపోయింది..
‘‘ఫ్యామిలీతో అటు విహార యాత్ర.. హీరోయిన్‌తో ఇటు వీరయ్య యాత్ర’’ అంటూ.. ఫ్యామిలీతో పాటు ‘వాల్తేరు వీరయ్య’ కథానాయిక శృతి హాసన్‌తో ఉన్న ఫోటోలని చిరు షేర్ చేయగా బాగా వైరల్ అయ్యాయి.. చిరు, శృతిల మీద ‘‘నువ్వు శ్రీదేవి అయితే.. నేను చిరుని అవుతా’’ అనే సాంగ్‌ని ఫ్రాన్స్‌లోని బ్యూటిఫుల్ లొకేషన్లలో పిక్చరైజ్ చేస్తున్నారని.. ‘ఖైదీ నెం:150’ లో ‘సుందరి’ సాంగ్‌ని మించి ఈ పాట కన్నుల పండుగగా ఉండబోతుందని, డ్యాన్స్ గురించి కొత్తగా చెప్పక్కర్లేదని అంటున్నారు..
మాస్ మహారాజా రవితేజ ‘వాల్తేరు వీరయ్య’ లో ఇంపార్టెంట్ రోల్ చేస్తున్నాడు. ఫస్ట్ అండ్ సెకండ్ హాఫ్ కలిపి సినిమా మొత్తం దాదాపు 45 నిమిషాల పాటు రవితేజ క్యారెక్టర్ ఉంటుందని, చిరుతో కలిసి తన మార్క్ కామెడీతో ఇరగదీసేస్తాడని టాక్. ‘అన్నయ్య’ తర్వాత మెగాస్టార్ పక్కన మాస్ రాజా నటిస్తున్న సినిమా ఇది. ఇప్పటివరకు చిరు, శృతి, రవితేజ, టెక్నీషియన్స్‌ తప్ప మిగతా నటీనటులు,
ముఖ్యంగా విలన్ ఎవరనేది ఇప్పటివరకు రివీల్ చేయకుండా చాలా జాగ్రత్త పడుతూ వస్తున్న మేకర్స్.. సాంగ్స్, ట్రైలర్ నుండి ఒక్కో ట్విస్ట్, సస్పెన్స్ రివీల్ చేయబోతున్నారు. ఈ నేపథ్యంలో డిసెంబర్ 12న రవితేజ లుక్ రిలీజ్ చేయనున్నారు.. ‘ఖైదీ నెం.150’ తర్వాత సంక్రాంతి సీజన్‌లో వస్తున్న చిరంజీవి సినిమా ఇదే..
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home