“మహర్షి” ప్రీరిలీజ్ నుంచి డైరెక్ట్ గా ముంబై వెళ్తున్న పూజా హెగ్డేను.. తాగి కార్ నడుపుతున్న కారణంగా ట్రాఫిక్ పోలీసులు ఆమెను అడ్డగించారని, అరెస్ట్ చేయబోతే కాంటాక్ట్స్ వాడి ఆమె ముంబై వెళ్లిపోయిందని కొన్ని వార్తలు హల్ చల్ చేసిన విషయం తెలిసిందే. ఈ విషయమై “మహర్షి” టీం మెంబర్స్ కానీ పూజా కానీ ఇమ్మీడియట్ గా ఎలాంటి క్లారిఫికేషన్ ఇవ్వకపోవడంతో అందరు అది నిజమే అనుకున్నారు. హీరోయిన్ల విషయంలో ఇలాంటివి జరగడం కామన్ కాబట్టి ఎవరూ పెద్దగా పట్టించుకోలేదు కూడా. ఎందుకంటే.. ఇదివరకూ త్రిష విషయంలో ఈ తరహా సంఘటనలు రెండు మూడు జరిగి ఉండడం అందుకు కారణం.
అయితే.. కాస్త లేట్ గా ఈ విషయమై స్పందించిన పూజ హెగ్డే అసలు తనను పోలీసులు అరెస్ట్ చేయడానికి ప్రయత్నించడం అనేది జరగలేదని, తాను ఆ రోజు రాత్రే ముంబైలోని తన ఇంటికి వెళ్లిపోయానని.. అసలు ఇలాంటి వార్తలు ఎలా పుట్టుకొస్తున్నాయో నాకు అర్ధం కావడం లేదని చెప్పుకొచ్చింది పూజా హెగ్డే. ఆమె నటించిన తాజా చిత్రం మహర్షి మరో రెండు రోజుల్లో రిలీజ్ కానుంది.
Home