Annaatthe: ‘అన్నాతే’ సెట్స్‌ నుండి అదిరిపోయే కబురు

రజనీకాంత్‌లో మీకు బాగాన నచ్చేది ఏంటి అంటే… ఆయనలో అన్ని విషయాలు బాగా నచ్చుతాయి అని చెబుతారు అభిమానులు. అందులో బాగా నచ్చేది ఏది అంటే చెప్పే లిస్ట్‌లో ఆయన స్టైల్‌ కచ్చితంగా ఉంటుంది. ఆ స్టయిల్‌కి అందం తీసుకొచ్చే అంశాల్లో నవ్వు ఒకటి. రజనీ స్టైల్‌గా చిరు స్మైల్‌ ఇచ్చినా, హ హ హ అంటూ బిగ్గరగా నవ్వినా అభిమానులు అలా ఫిదా అయిపోతారంతే. మీరూ అలా మైమరిచిపోయి ఉంటే… మరోసారి అదే పని చేయడానికి సిద్ధం కండి మరి.

రజనీకాంత్‌ ప్రస్తుతం ‘అన్నాతే’ సినిమా షూటింగ్‌లో ఉన్న విషయం తెలిసిందే. శివ దర్శకత్వంలో తెరకెక్కుతున్న ఈ సినిమాలో రజనీ పాత్ర ఎలా ఉంటుంది అనే విషయంలో ఇప్పటివరకు లుక్‌లు తప్ప మరే సమాచారం లేదు. అయితే తాజాగా వస్తున్న వార్తల ప్రకారం అయితే ఈ సినిమాలో పాత రజనీకాంత్‌ను మనం ఈ సినిమాలో చూస్తామట. ఈ మధ్య కాలంలో రజనీ సినిమాల్లో చిన్న హ్యూమర్‌ ఎలిమెంట్‌ అంతగా కనిపించలేదనే చెప్పాలి. ‘అన్నాతే’లో శివ ఆ లోటు తీరుస్తాడట.

సన్ పిక్చర్స్‌ నిర్మిస్తున్న ‘అన్నాతే’లో రజినీకి జోడీగా నయనతార నటిస్తోంది. కీర్తి సురేశ్‌, మీనా, ఖుష్బూ ఇతర కీలక పాత్రలు పోషిస్తున్నారు. బాలీవుడ్‌ ప్రముఖ నటుడు జాకీ ష్రాఫ్‌ సినిమాలో ప్రతినాయకుడి పాత్ర చేస్తున్నారు. రజనీ అనారోగ్యం కారణంగా కొంతకాలం గ్యాప్‌ తర్వాత ఇటీవల హైదరాబాద్‌లో చిత్రీకరణ మొదలైంది.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!