సునీల్ హీరోయిన్ పెళ్ళికి రెడీ!

తెలుగులో మాయ, జోరు, నాయకి వంటి చిత్రాల్లో నటించిన భామ సుష్మా రాజ్. తెలుగులో ఇప్పుడిప్పుడే గుర్తింపు పొందుతోన్న ఈ హీరోయిన్ అతి త్వరలోనే ‘ఈడు గోల్డ్ ఎహే’ చిత్రంతో ప్రేక్షకుల ముందుకు రానుంది. సునీల్ హీరోగా నటిస్తోన్న ఈ చిత్రాన్ని మరో రెండు నెలల్లో విడుదల చేయడానికి సన్నాహాలు చేస్తున్నారు.

అయితే ఈ సినిమా తరువాత సుష్మా రాజ్ మరో తమిళ చిత్రం తప్ప ఇంకే సినిమాలు ఒప్పుకోలేదట. దానికి కారణం సుష్మారాజ్ త్వరలోనే పెళ్లి చేసుకోవడానికి సిద్ధ పడుతోంది. గత కొంతకాలంగా సుష్మారాజ్ ప్రేమలో పడిందనే వార్తలు వినిపించాయి. ఆ అబ్బాయితో ఇదివరకే సుష్మారాజ్ కు నిశ్చితార్ధం జరిగిపోయిందట. త్వరలోనే పెళ్లి కూడా చేసుకోబోతోంది. అందుకే సినిమాలకు దూరమవుతుందని టాక్. మరి ఈ విషయాలపై సుష్మా ఎలా స్పందిస్తుందో… చూడాలి!