‘ఆర్.ఆర్.ఆర్’ హీరోల దీపావళి స్పెషల్ పిక్ లో ఇది గమనించారా?

చరణ్, ఎన్టీఆర్ ల ఫ్యాన్స్ కు దీపావళి శుభాకాంక్షలు చెబుతూ దర్శకుడు రాజమౌళి ఈరోజు కొన్ని స్పెషల్ ఫోటోలను విడుదల చేశారు. ఈ ఫొటోల్లో ఇద్దరు హీరోలు సాంప్రదాయ దుస్తులు ధరించి సరదాగా మాట్లాడుకుంటున్నట్టు.. అలాగే దర్శకుడు రాజమౌళి కూడా వీరితో సంభాషిస్తున్నట్టు కనిపిస్తుంది. ఈ ఫోటోలు సోషల్ మీడియాలో తెగ వైరల్ అవుతున్నాయి. ఎన్టీఆర్ ఫ్యాన్స్ చాలా హ్యాపీ. అయితే చరణ్ ఫ్యాన్స్ లో కొద్దిపాటి టెన్షన్ మొదలైంది. దానికి ప్రధాన కారణం..

ఈ ఫొటోల్లో చరణ్ ఎడమ కాలికి బ్యాండ్ ఉండడమే అని స్పష్టమవుతుంది. దీంతో ‘మెగా పవర్‌స్టార్ రామ్ చరణ్ కాలికి మళ్లీ గాయమయ్యిందా..?’ అనే కామెంట్లు కూడా మొదలయ్యాయి. ‘ఆర్.ఆర్.ఆర్’ షూటింగ్ ప్రారంభమైనప్పుడు కూడా రాంచరణ్‌ కాలికి గాయమైన సంగతి తెలిసిందే. అప్పట్లో జిమ్లో వర్కౌట్లు చేస్తున్న తరుణంలో చరణ్ గాయపడినట్టు యూనిట్ సభ్యులు చెప్పుకొచ్చారు. తరువాత ఎన్టీఆర్ చేతికి కూడా గాయమవ్వడంతో ‘ఆర్.ఆర్.ఆర్’ షూటింగ్ కొన్నాళ్ళు వాయిదా పడింది.

ఇప్పుడు చరణ్ కాలికి మరోసారి బ్యాండ్ కనబడుతుండడంతో మళ్ళీ షూటింగ్ కు ఆటంకం కలుగుతుందేమో అని ఈ ఇద్దరు హీరోల అభిమానులు ఆందోళన చెందుతున్నారు. ఇదిలా ఉండగా.. ఈ మధ్యనే విడుదలైన ఎన్టీఆర్ భీమ్ టీజర్ యూట్యూబ్లో రికార్డులు సృష్టించిన సంగతి తెలిసిందే. టాలీవుడ్లో అత్యథిక లైక్స్ ను సాధించిన టీజర్ గా భీం రికార్డులకెక్కింది.

1

2

3

4

5

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!