Chatrapathi remake: పెన్‌ స్టూడియోస్‌ లిస్ట్‌లో ఆ సినిమా లేదేంటి?

‘ఛత్రపతి’ సినిమాను బాలీవుడ్‌కి తీసుకెళ్తాను అంటూ కొన్నాళ్ల క్రితం బెల్లంకొండ టీమ్‌, పెన్‌ స్టూడియోస్‌ అనే బాలీవుడ్‌ ప్రొడక్షన్‌ హౌస్‌ ప్రకటించింది. ఆ తర్వాత సినిమా సెట్‌ వర్క్‌ మొదలైంది అంటూ కొన్ని వార్తలొచ్చాయి. ఆ తర్వాత సినిమా గురించి పెద్దగా ఎక్కడ చర్చ జరగలేదు. దీంతో ఈ సినిమా ఆగిపోయినట్లే అని అందరూ అనుకున్నారు. ఈలోగా ‘భారీ’ వర్షాలకు మా సెట్‌ నాశనమైపోయింది… చిత్రీకరణ ప్రారంభం ఆలస్యమవుతుందని చిత్రబృందం ప్రెస్‌ నోట్‌ రిలీజ్‌ చేసింది. అయితే అసలు సెట్‌ వేశారు, కూలిందా అనే డౌట్స్‌ చాలామందికి ఉన్నాయి. అయితే ఇప్పుడు అసలు సినిమా ఉందా? అనే డౌట్‌ మళ్లీ మొదలైంది. ఈసారి డౌట్‌కి కారణం పెన్‌ స్టూడియోస్‌ విడుదల చేసిన ఓ లిస్ట్‌.

కరోనా తర్వాత థియేటర్‌ తిరిగి తెరుచుకోనున్నాయ్‌. ఈ క్రమంలో మా సంస్థ నుండి రాబోతున్న సినిమా లిస్ట్‌ అంటూ పెన్‌ స్టూడియోస్‌ ఇటీవల ఓ జాబితా విడుదల చేసింది. అందులో సినిమాల వివరాలు చూస్తే అక్షయ్‌ కుమార్‌ ‘బెల్ బాటమ్‌’, ఆలియా భట్‌ ‘గంగూబాయ్‌’, జాన్‌ అబ్రహం ‘ఎటాక్‌’, రామ్‌చరణ్‌- ఎన్టీఆర్‌ ‘ఆర్‌ఆర్‌ఆర్‌’, రణ్‌వీర్‌ సింగ్‌ ‘అన్నియన్‌’ రీమేక్‌ ఉన్నాయి. దీంతో మరి ‘ఛత్రపతి’ రీమేక్‌ ఏమైంది అనే ప్రశ్న వినిపిస్తోంది. అసలు సినిమా ఉందా అనే మాట వినిపిస్తోంది.

‘ఛత్రపతి’ సినిమా రీమేక్‌ మొదలైనప్పటి నుండి ఏదో సమస్య వస్తూనే ఉంది. ముందు దర్శకుడు ఎవరు అనే ప్రశ్నకు చాలా సమాధానలు వచ్చి ఆఖరికి వి.వి.వినాయక్‌ అని తేల్చారు. హీరోయిన్‌ విషయంలో ఇంకా తేల్చలేదు. చాలామంది బాలీవుడ్‌ హీరోయిన్ల పేర్లు వినిపించినా… ఏదీ ఓకే అవ్వలేదు. ఇప్పుడు ఈ కన్‌ఫ్యూజన్‌. దీనికి ఎవరు క్లారిటీ ఇస్తారో చూడాలి. ముందుగా పుకార్లు వచ్చినట్లు ఈ సినిమాను బెల్లం బాబు పక్కనపెట్టేసి వేరే సినిమా పనులు చూసుకుంటడా?

Most Recommended Video

బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?