వర్మ అండ్‌ కో. ఎందుకిలా అవుతున్నారో?

గురువును మించిన శిష్యుల్ని చూసి ఉంటారు. అలాగే గురువును ముంచి శిష్యుల్ని కూడా చూసి ఉంటారు. ఈ రెండు టైపులు కాకుండా.. గురువును యాజ్‌ ఇట్‌ ఈజ్‌ ఫాలో అవ్వడమే కాకుండా, ఆయనలా పని చేసేవాళ్లను చూశారా? టాలీవుడ్‌ ఇండస్ట్రీని రెగ్యులర్‌గా ఫాలో అయ్యేవాళ్ల అయితే మీరు చూసే ఉంటారు. వాళ్లే రామ్‌గోపాల్‌ వర్మ అండ్‌ కో. అవును ఆ బ్యాచే. టాలీవుడ్‌కి కొత్త సినిమాను పరిచయం చేసిన వాళ్లే మేం చెప్పిన గురువును గుడ్డిగా ఫాలో అయ్యి.. వరుస పరాజయాలు పొందుతున్నవాళ్లు.

సినిమాలయందు రామ్‌ గోపాల్‌ వర్మ తీసే సినిమాలు వేరయా అని అంటారు. భారతీయ సినిమా అప్పటివరకు చూడని సినిమాలను చూపించి వావ్‌ అనిపించారు వర్మ. అదే సమయంలో దారుణమైన చిత్రరాజాలు తెరకెక్కించారు. ఆ సినిమా పేర్లు చెబితే ఆయన ఫ్యాన్స్‌ ఆఖరికి డైహార్డ్‌ ఫ్యాన్స్‌ కూడా ఉలిక్కి పడే సినిమాలు చేశారు. ఈ సంవత్సరం ఆయన నుండి ఎన్ని సినిమాలు వచ్చాయి, వచ్చి ఏమయ్యాయి అనేది కూడా గుర్తులేనంతగా మారిపోయింది ఆయన కెరీర్‌.

ఇక ఆయన డైహార్డ్‌ శిష్యుల సంగతి చూస్తే.. ఈ విషయం ఇంకా బాగా అర్థమవుతుంది. టాలీవుడ్‌లో వర్మ శిష్యులు చాలామందే ఉన్నారు. అందులో చాలామంది యాక్టివ్‌గా లేరు. కానీ కృష్ణవంశీ, తేజ, పూరి జగన్నాథ్‌, గుణశేఖర్‌ లాంటివాళ్లు సినిమాలతోనో, అనౌన్స్‌మెంట్‌లతోనో బిజీగా ఉన్నారు. కాబట్టి వాళ్ల గురించి ఓసారి చూస్తే పరిస్థితి క్లియర్‌గా అర్థమవుతుంది. తొలుత కృష్ణవంశీ సంగతి చూస్తే.. ఆయన నుండి సినిమా రావడం, అలా వెళ్లిపోవడం సహజం అయిపోయింది.

‘మొగుడు’, ‘నక్షత్రం’ అంటూ వచ్చిన సినిమాల ఫలితం గురించి మాట్లాడుకోకపోవడమే బెటర్‌. ఆ తర్వాత కృష్ణవంశీ ఇప్పుడు ‘రంగ మార్తాండ’ అనే సినిమా తలకెత్తుకున్నారు. చాలా రోజులుగా ఈ సినిమా కొనసా…గుతూనే ఉంది. రిలీజ్‌ సంగతి అర్థం కావడం లేదు. ఇక రెండో శిష్యుడు తేజ. తనదైన శైలిలో ఎవరికీ సాధ్యం కొన్ని చిన్న సినిమాలతో మెప్పించారు ఆయన. వరుస ఫ్లాప్‌లను ‘నేనే రాజు నేనే మంత్రి’తో ఆపేశారు. ఆ తర్వాత ‘సీత’ చేసిన రాత మారలేదు.

‘అహింస’ అంటూ ఓ సినిమా ఆ మధ్య సురేశ్‌బాబు రెండో తనయుడు అభిరామ్‌తో మొదలైంది. ఆ సినిమా సంగతేంటో తెలియడమే లేదు. ఈలోపు తన కొడుకు హీరోగా ఓ సినిమా చేస్తున్నాడు అంటున్నారు. త్వరలో దీనిపై క్లారిటీ వస్తుంది. ఇక ఆఖరిగా లేటెస్ట్‌ ఫ్లాప్‌ సినిమా ‘లైగర్‌’ దర్శకుడు పూరి జగన్నాథ్‌. వన్‌లైనర్లు, యాటిట్యూడ్‌ సీన్లు, తనదైన కథలతో రాణించిన పూరి జగన్నాథ్‌లో మ్యాజిక్‌ ఇటీవల కాలంలో డ్రాప్‌ అవుతూ వచ్చింది. ఆఖరిగా గుణశేఖర్‌ పరిస్థితీ ఇంతే. ‘శాకుంతలం’ అంటూ ఓ సినిమా షూటింగ్‌ పూర్తి చేసి ఇంకా విడుదలకు సిద్ధం చేసే పనిలో ఉన్నారు. అంతకుముందు వరుస పరాజయాలే.

లైగర్ సినిమా రివ్యూ & రేటింగ్!

Most Recommended Video

‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!