హాస్పిటల్ పాలవుతున్న టాలీవుడ్ యంగ్ హీరోలు..అసలేమవుతుంది!

‘సినిమాల వాళ్ళ లైఫ్ స్టైల్ వేరు.. వాళ్ళకి ఎటువంటి సమస్యలు రావు’ అని బయటవాళ్ళు అనుకుంటూ ఉండొచ్చు. కానీ ఇక్కడ అందరూ అనుకున్నంత హాయిగా అయితే వాళ్ళు ఉండరు. ఒళ్ళు నలగగొట్టుకుని మరీ కష్టపడితే తప్ప.. మనం ఆశించే ఎంటర్టైన్మెంట్ జరగదు. షూటింగ్ లో భాగంగా ప్రమాదాలు కూడా పొంచి ఉంటాయి అని తెలిసినా నటీనటులు వెనకడుగు వేయరు. షూటింగ్ ఉన్న ప్రతీరోజూ వాళ్ళకి ఓ యుద్ధంలానే ఉంటుంది.సరే ఈ విషయాలను పక్కన పెట్టేస్తే.. ఈ మధ్యకాలంలో వరుసగా టాలీవుడ్ యంగ్ హీరోలు ఆసుపత్రుల పాలవుతూ వస్తుండడం ఆందోళన కలిగిస్తుంది.

వినాయక చవితి పండుగ రోజునాడు సాయి తేజ్.. బైక్ యాక్సిడెంట్ కు గురయ్యాడు. ఇప్పటికీ సంపూర్ణంగా కోలుకోలేదు. అటు తర్వాత అడవి శేష్ కూడా డెంగ్యూ ఫీవర్ తో ప్లేట్ లెట్స్ పడిపోవడంతో హాస్పటిల్ పాలయ్యారు.అతనికి కరోనా అనే టాక్ కూడా నడిచింది. రెండు వారాల పాటు ట్రీట్మెంట్ తీసుకుని కోలుకున్నాడు. ఇక హీరో సిద్ధార్థ్ కూడా షూటింగ్‌లో భాగంగా గాయాలుపాలయ్యాడు.దీంతో అతను విదేశాలకు వెళ్లి మరీ సర్జరీ చేయించుకున్న సంగతి తెలిసిందే.

ఇక రెండు రోజుల క్రితం హీరో రామ్ కూడా తన తర్వాతి సినిమా కోసం జిమ్ చేస్తూ గాయపడ్డాడు. అతనికి నెక్ ఇంజ్యురి అయ్యింది. కొన్నాళ్ళ పాటు అతను రెస్ట్ తీసుకోవాలని వైద్య నిపుణులు సూచించారు. కోలుకుని డబుల్ ఎనర్జీతో ప్రేక్షకుల ముందుకొస్తానని అతను సోషల్ మీడియాలో చెప్పుకొచ్చాడు.అదృష్టం కొద్దీ ఈ హీరోలందరూ బాగానే కోలుకున్నారు. కానీ వీరి అభిమానులు మాత్రం ఆందోళన చెందుతున్నారు.

రిపబ్లిక్ సినిమా రివ్యూ & రేటింగ్!

Most Recommended Video

హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!