Chandrahass: వాపుని చూసి బలుపు అనుకుంటే ఎలాగయ్యా చంద్రహాస్?!

రీసెంట్ గా “బరాబర్ ప్రేమిస్తా” అనే సినిమా ప్రీరిలీజ్ ఈవెంట్లో ఆ సినిమా హీరో చంద్రహాస్ ఒక పాట పాడిన విషయం తెలిసిందే. ఆ పాటలో బూతులు ఇబ్బందికరంగా ఉండడమే కాక, జుగుప్సాకరంగా ఉన్న మాట వాస్తవం. కాకపోతే.. ఆ ఈవెంట్ కి ఎవరూ పెద్దగా ప్రాధాన్యత ఇవ్వకపోవడంతో ఆ విషయం పెద్దగా వైరల్ అవ్వలేదు. అయితే.. ఇవాళ ఆ ఈవెంట్లో ఒన్నాఫ్ ది చీఫ్ గెస్ట్ అయిన జెడి చక్రవర్తి “ఆ ఈవెంట్ నుండి నేను వెంటనే వాకౌట్ చేయాల్సింది” అని వీడియో స్టేట్మెంట్ రిలీజ్ చేయడంతో అందరి దృష్టి ఆకర్షించడం మొదలుపెట్టింది.

Chandrahass

అయితే.. ఇప్పుడు ఈ విషయమై చంద్రహాస్ స్వయంగా స్పందించడం హాస్యాస్పదంగా మారింది. “ఆరోజు అలా బూతులతో పాట పాడినందుకు నేనేం బాధపడడం లేదు, అలాగే.. ఎవరికీ సారీ చెప్పను కూడా” అంటూ రీల్ ఒకటి పోస్ట్ చేశాడు. పైగా ఆ బూతులన్నీ నన్ను తిట్టినవే, నన్ను అన్నవే, నా పోస్టుల కింద వచ్చిన కామెంట్లే అంటూ తనను తాను సమర్థించుకోవడం ఇక్కడ హాస్యాస్పదం.

చంద్రహాస్ ను మొదటి ఆటిట్యూడ్ స్టార్ అని ట్రోల్ చేస్తే.. దాన్నే టైటిల్ గా పెట్టుకుని, ట్రోల్స్ ని ఓన్ చేసుకున్న విధానం కాస్త అతి అనిపించినా, కుర్రాడికి ఏమాత్రం పొగరు ఉండాలిలే అనుకున్నారు. అయితే.. సిగ్గు లేకుండా స్టేజ్ మీద బూతు పాట పాడి, ఆ బూతులు మీరు నన్ను అన్నవే అని సమర్థించుకోవడం మాత్రం అతడి మానసిక పరిస్థితికి అద్దం పడుతుంది.

బుల్లితెర మెగాస్టార్ అంటూ తనకు తాను ఆపాదించుకున్న ప్రభాకర్, తన కొడుకు విషయంలో ఇలా కేర్ లెస్ గా ఉండడం, పైపెచ్చు చంద్రహాస్ ను సపోర్ట్ చేస్తుండడం అనేది ప్రమాదకరం. ఇలానే కంటిన్యూ అయితే చంద్రహాస్ ను జనాలు సీరియస్ గా తీసుకోవడం మానేస్తారు. హీరోగా ఎస్టాబ్లిష్ అవ్వడం, సెటిల్ అవ్వడం అనేది పక్కన పెడితే.. కనీసం నటుడిగా కూడా గుర్తించరు.

చిరు కూతురిగా ధురంధర్ బ్యూటీ?