Fauzi: ‘ఫౌజీ’ వాయిదా పడితే.. ఆ సినిమా సంగతేంటి? మాట నిలుస్తుందా?

ప్రభాస్‌ చేతిలో ఎన్ని సినిమాలున్నా.. ఆయన మాత్రం ‘ఫౌజీ’ సినిమా మీదే ఎక్కువగా దృష్టి పెట్టాడు అనే విషయం తెలిసిందే. ఎంతగా అంటే ఆ రోజు షూటింగ్‌లో తన సీన్స్‌ లేకపోయినా వచ్చి మరీ సెట్‌లో కూర్చొని సినిమా బాగా వచ్చేలా చూసుకుంటున్నాడు. మిగిలిన సినిమాలకు ఆపి మరీ ఈ సినిమాకు డేట్స్‌ ఇస్తున్నాడు. అయితే సినిమా మాత్రం అనుకున్న టైమ్‌కి పనులు జరుపుకోవడం లేదు. అందుకే డిసెంబర్ 3న ముందుగా చెప్పినట్లు సినిమా రావడం లేదు అని టాక్‌.

Fauzi

సినిమా టీమ్‌ ఎంతగా ఈ రిలీజ్‌ డేట్‌ విషయంలో పట్టింపుగా ఉన్నా.. ఆ రోజుకు సినిమాను రిలీజ్‌ చేసే పరిస్థితి లేదనే చెప్పొచ్చు. ఎందుకంటే ఇంకా షూటింగ్ జరుగుతూ ఉంది. పోస్ట్ ప్రొడక్షన్, వీఎఫ్ఎక్స్ పనులు ఇంకా చాలానే ఉన్నాయి. అందుకే నాగచైతన్య ‘వృషకర్మ’, దుల్కర్ సల్మాన్ ‘శ్రీశ్రీ’ ఆ డేట్‌కి రావాలని చూస్తున్నాయని టాక్‌. విశ్వక్ సేన్ ‘లెగసీ’ అయితే డిసెంబరు 4న వస్తామని చెప్పేశారు.

అయితే ఇప్పుడు పాయింట్‌ ‘ఫౌజీ’ కాదు. ఆ తర్వాత రావాల్సిన అంటే మార్చి 5 డేట్‌ ఇచ్చిన ‘స్పిరిట్‌’ సినిమా గురించి. ప్రభాస్‌ హీరోగా సందీప్‌ రెడ్డి వంగా దర్శకత్వంలో రూపొందుతున్న సినిమా ఇది. ఈ సినిమాను ఎలాగైనా ఆ డేట్‌కే తేవాలని చిత్ర నిర్మాణ సంస్థ ప్లాన్‌ చేసుకుందట. ఈ మేరకు ఆ సినిమా షూటింగ్‌ త్వరలో స్టార్ట్‌ చేయాల్సిన పరిస్థితి ఏర్పడింది. దీంతో ప్రభాస్‌ పరిస్థితి ఇరుక్కున్న పోక చెక్కలా మారిందట. ఇదంతా తేలాలంటే ‘ఫౌజీ’ సినిమా టీమ్‌ క్లారిటీ ఇవ్వాల్సి ఉంది.

అయితే రాబోయే రెండున్నర నెలలు బాగా కష్టపడి ఈ సినిమాను రిలీజ్‌ చేయాల్సిందే. లేదంటే ‘స్పిరిట్‌’ సినిమాకు దారిచ్చి ఆ తర్వాత సమ్మర్‌లో కానీ.. ఇంకో డేట్‌ కానీ చూసుకోవాలి. సంక్రాంతి అయితే ఫుల్‌ బిజీగా ఉంది.

సర్దార్ 2 సినిమా రివ్యూ & రేటింగ్!