అగ్ర నిర్మాత తనయుడు, అగ్ర హీరో తమ్ముడు… అయినా అల్లు శిరీష్ ఇంకా సరైన విజయం అందుకోలేకపోతున్నాడు. దీని వెనుక ఉన్న కారణాలేంటి అనే చర్చ మనకు ఇప్పుడు అక్కర్లేదు. అయితే ఇప్పుడు ఆయన చేస్తున్న ఓ సినిమా మాత్రం చర్చల్లోకి వచ్చింది. దీనికి కారణం ఆ సినిమా పోస్టర్‌, పేరు.. గతంలో విడుదలైన ఓ సినిమా పేరుక దగ్గరగా ఉండటమే. ఆ సినిమా పేరే ‘బడ్డీ’. ఇదేం సినిమా.. ఇదెప్పుడు తీశారు అనుకుంటున్నారా? మొన్నీమధ్య పూర్తయిందట లెండి. ఇప్పుడు ప్రచారం షురూ చేస్తారట.
వరుస పరాజయాలతో ఇబ్బందుల్లో పడ్డ (Allu Sirish) అల్లు శిరీష్ ఇటీవల ‘ఊర్వ‌శివో.. రాక్ష‌సివో’ అంటూ ఓ రీమేక్ సినిమాతో కాస్త ఊపిరి పీల్చుకున్నాడు. ఆ త‌ర‌వాత ఏ సినిమా చేస్తాడు అని అందరూ అనుకుంటుండగా… ‘బడ్డీ’ అనే ఓ సినిమాను పూర్తి చేశాడు. ఈ సినిమా ఎప్పుడు అనుకున్నారు? ఎప్పుడు స్టార్ట్‌ చేశారు? ఎప్పుడు పూర్తి చేశారు అనే విషయలు తెలియవు. అయితే శ్యామ్ ఆంటోన్ ద‌ర్శ‌కుడు ఈ సినిమా తెరకెక్కించారు. దీనికి సంబంధించి ప్రచార చిత్రం కూడా వచ్చింది.
దీంతో అసలు చర్చ మొదలైంది. గతంలో ఆర్య న‌టించిన త‌మిళ సినిమా ‘టెడ్డీ’కి దీనికి పోలికలు ఉన్నాయంటూ చర్చ మొదలైంది. ఆ సినిమా తెలుగులో డ‌బ్ అయ్యింది కూడా. ఓటీటీలో అందుబాటులో ఉంది. అయితే ఈ సినిమా – ఆ సినిమా ఒక్కటే అని చర్చ రేపారు కొందరు. పేరు మార్చి రీమేక్ చేస్తున్నారు అని అన్నారు. దీంతో అసలు ఈ సినిమా సంగతేంటి అని ఆరా తీస్తే అసలు విషయం తెలిసిందే. ఈ సినిమా రీమేక్ కాదట.
మరేంటి అనుకుంటున్నారా? ‘టెడ్డీ’ సినిమాకు ఈ సినిమాకు సీక్వెల్‌లా ఉంటుందట. నిజానికి ఈ సినిమా తొలుత సందీప్ కిష‌న్ ద‌గ్గ‌ర‌కు వెళ్లిందట. కొన్ని సీన్లు షూట్‌ కూడా చేశారట. అయితే కొన్ని కార‌ణాల వ‌ల్ల ఈ ప్రాజెక్ట్ నుండి సందీప్ తప్పుకున్నాడు. ఆ తర్వాత అల్లు శిరీష్ చేశాడు.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
