పవన్ కి పవర్ స్టార్ అని పేరు రావడం వెనుక ఆసక్తికరమైన స్టోరీ

పవన్ కళ్యాణ్ సినిమాల్లోకి కొణిదెల కళ్యాణ్ బాబుగా అడుగు పెట్టారు. అక్కడమ్మాయి ఇక్కడమ్మాయి సినిమాలో కళ్యాణ్ గా పేరు పడుతుంది. ఆ తర్వాత రెండో చిత్రం గోకులంలో సీత నుంచి పేరు మారింది. సినిమా హీరోగా వాయు వేగంతో దూసుకెళ్లాలని అన్నయ్య చిరంజీవి తో పాటు డైరక్టర్ ముత్యాల సుబ్బయ్య అలోచించి కళ్యాణ్ ముందు పవన్ చేర్చారు. ఇంతవరకు బాగానే ఉంది. మరి పవన్ కళ్యాణ్ ముందు పవర్ స్టార్ అనే బిరుదును ఎవరు ఇచ్చారు? ముందు ఆ పేరుతో ఎవరు పిలిచారు? .. ఈ ప్రశ్నలకు సమాధానం నిన్ననే దొరికింది. పవర్ స్టార్ అనే పేరు మొదట సారి ప్రముఖ సినీ రచయిత పోసాని కృష్ణ మురళి నుంచి వచ్చిందంట. ఈ విషయాన్నీ ఆయనే స్వయంగా చెప్పారు.

ఆదివారం జరిగిన ‘ధృవ’ ప్రీ రిలీజ్‌ ఫంక్షన్‌ కు పోసాని హాజరై వేదిక మీదకు రాగానే పవన్‌ అభిమానులు పవర్‌స్టార్‌.. పవర్‌స్టార్‌ అంటూ నినాదాలు మొదలు పెట్టారు. దీంతో పోసాని మైక్ అందుకొని ‘ధృవ’ సినిమా గురించి కాకుండా పవన్ గురించి ప్రస్తావించారు. ‘మీరంతా పవర్‌స్టార్‌ అని అరుస్తున్నారు కదా! నిజానికి ఆ బిరుదు పవన్‌కు ఇచ్చింది నేనే. పవన్‌ కళ్యాణ్ తొలి హిట్‌ ‘గోకులంలో సీత’ సినిమాకు నేను మాటల రచయితను. ఈ సినిమా గనుక హిట్‌ అయితే పవన్‌ను అందరూ పవర్‌ స్టార్‌ అంటారని ఆనాడే చెప్పాన’ని పోసాని వివరించారు. ఈ మాటలకు అభిమానులు సంతోషంతో విజిల్స్, చప్పట్లు కొట్టారు.

Also, do SUBSCRIBE to our YouTube channel to get latest Tollywood updates.