వెబ్ సిరీస్‌లకు భారతీయ ప్రేక్షకులు అలవాటుపడ్డటంలో ‘ది ఫ్యామిలీ మ్యాన్‌’ వెబ్ సిరీస్‌ పాత్ర చాలానే ఉందని చెప్పాలి. అప్పటికే చాలా వెబ్ సిరీస్‌లు వచ్చినా.. ఆ సిరీస్‌కు బాగా కనెక్ట్‌ అయిపోయారు. విభిన్నమైన కేసులను చేధిస్తూనే.. కుటుంబ బంధాల నేపథ్యాల సాగే ఈ వెబ్‌సిరీస్‌కు పెద్ద ఫ్యాన్‌ బేసే ఉంది. ఇప్పటికే రెండు సీజన్లుగా వచ్చిన ఈ సిరీస్‌.. కొత్త సీజన్‌ కోసం జనాలు వెయిట్‌ చేస్తున్నారు. అయితే దాని ప్రకటన ఇంకా రాలేదు.
ఈ క్రమంలో ఓ కొత్త డిస్కషన్‌ మొదలైంది. అదే ఇంత త్వరలో కష్టం అని. ముందుగా చెప్పినట్లు ‘ది ఫ్యామిలీ మ్యాన్‌’, ‘ది ఫ్యామిలీ మ్యాన్‌ 2’కు మంచి ఆదరణ దక్ఇంఇ. ఈ సిరీస్‌లో ప్రధాన పాత్రధారి మనోజ్‌ బాజ్‌పాయ్‌కి మంచి పేరు వచ్చింది కూడా. రెండో పార్టు దగ్గరకు వచ్చేసరికి.. మనోజ్‌ పాత్రకు సమానంగా సమంత పాత్రకు పేరొచ్చింది అనే చెప్పాలి. దీంతో మూడో సీజన్‌ వస్తే.. కచ్చితంగా సమంత లాంటి స్టార్‌ హీరోయిన్‌ను తీసుకుంటారు అని చర్చ జరుగుతోంది.
ఆ హీరోయిన్‌ ఎవరు అనేదే ప్రశ్న. అయితే ఆ హీరోయిన్‌ కచ్చితంగా సౌత్‌ నుండి ఉంటుంది అని టాక్. ఇక మూడో సీజన్‌ గురించి ఇటీవల మనోజ్‌ని అడిగితే.. ‘‘ది ఫ్యామిలీ మ్యాన్‌ 3’ని త్వరగా మొదలుపెట్టడానికి అమెజాన్‌ సిద్ధంగానే ఉంది. కానీ దర్శకద్వయం రాజ్‌, డీకే.. ఇంకా నేను ఇతర ప్రాజెక్టులతో బిజీగా ఉన్నాం. ఈ ఏడాది చివరి వరకూ మా డేట్స్‌ పరిస్థితి ఇలాగే ఉంటుంది.
కాబట్టి వచ్చే ఏడాది సీజన్‌ 3ను మొదలుపెట్టే అవకాశం ఉంది’’ అని చెప్పారు. తొలి రెండు సిరీస్‌ల్లో నటించిన నటులతో పాటు మరికొంతమంది కొత్తవాళ్లు మూడో సీజన్‌లో ఉండొచ్చు అంటున్నారు. దీంతో రెండో సీజన్‌లో రాజీగా అదరగొట్టిన సమంత మూడో సీజన్‌లో ఉంటుందా అనే ప్రశ్న కూడా వినిపిస్తోంది. అయితే దీనికి అవకాశాలు తక్కువ అంటున్నారు.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
