Baby Movie: ‘బేబీ’ రీమేక్‌ ఫిక్స్‌… దర్శకుడు, హీరోయిన్‌ ఎవరంటే?

చిన్న సినిమా… పెద్ద విజయం. ఈ కాంబినేషన్‌ గురించి ఇప్పుడు మాట్లాడుతుంటే కచ్చితంగా చర్చకు వచ్చే సినిమా ‘బేబీ’. సాయి రాజేశ్‌ దర్శకత్వంలో రూపొందిన ఈ సినిమాను ఎస్‌కేఎన్‌ నిర్మించారు. తెలుగులో భారీ విజయం అందుకున్న ఈ సినిమాను హిందీలోకి తీసుకెళ్లాలని అనుకుంటున్నారని చాలా రోజులుగా వార్తలొస్తున్నాయి. ఆ సినిమాలో చూపించిన కాన్సెప్ట్‌ ఏ భాషలో అయినా క్లిక్‌ అవుతుందని నిర్మాతల నమ్మకం. అయితే ఎట్టకేలకు ఈ విషయంలో క్లారిటీ వచ్చింది.

తెలుగులో ‘కల్ట్’ మూవీగా నిలిచిన ‘బేబీ’ సినిమాను బాలీవుడ్‌కి తీసుకెళ్తున్నామని నిర్మాత ఎస్‌కేఎన్‌ ప్రకటించారు. ఆనంద్‌ దేవరకొండ – వైష్ణవి చైతన్య – విరాజ్‌ అశ్విన్‌ ప్రధాన పాత్రల్లో రూపొందిన ఈ సినిమాను హిందీలో యువ నటులతో తెరకెక్కించే ప్రయత్నం చేస్తున్నారు. అక్కడ కూడా సాయి రాజేశే దర్శకత్వం వహిస్తారట. దీని కోసమే ‘కల్ట్‌ బొమ్మ’ అనే టైటిల్‌ వాడతారు అని కూడా అంటున్నారు. అయితే ఈ విషయంలో డౌట్స్‌ ఉన్నాయి.

హిందీలో స్టార్ కిడ్స్‌తోకానీ, కొత్త వాళ్లతో ‘బేబీ’ (Baby Movie) సినిమా రీమేక్ చేయాలనుకుంటున్నాం అని ఎస్‌కేఎన్‌ తెలిపారు. అక్కడ ‘అర్జున్ రెడ్డి’ రీమేక్‌ ‘కబీర్‌ సింగ్‌’ ఎంతటి విజయం సాధించో చూశాం. ఇప్పుడు ‘బేబీ’ తడాఖా చూస్తారు అని కాన్ఫిడెంట్‌గా చెబుతున్నారు ఎస్‌కేఎన్‌. ఈ క్రమంలో ఈ సినిమాలో కీలకమైన హీరోయిన్‌ పాత్రను జాన్వీ కపూర్‌ సోదరి ఖుషి కపూర్‌ చేస్తారు అని ఓ పుకారు మొదలైంది. అలాగే హీరోలు కూడా స్టార్‌ కిడ్సే ఉంటారట.

అన్నీ అనుకున్నట్లుగా జరిగితే బోనీ కపూర్‌ కానీ, కరణ్‌ జోహార్‌ కానీ ఈ సినిమా నిర్మాణంలో భాగం అవుతారట. ఈ మేరకు నిర్మాత అల్లు అరవింద్‌ ప్రయత్నాలు చేస్తున్నారని భోగట్టా. ఒకవేళ అంతా ఓకే అయ్యి… సినిమా బాలీవుడ్‌కి వెళ్తే ఎంత వసూలు చేస్తుందో తెలియదు కానీ… ఓ చిన్న సినిమా దర్శకుడు అక్కడకి వెళ్లి సినిమా చేయడం మాత్రం సంచలనం అవుతుంది అని చెప్పాలి. ఆ ఘనత సాయి రాజేశ్‌కే దక్కుతుంది.

అంబాజీపేట మ్యారేజ్ బ్యాండ్ సినిమా రివ్యూ & రేటింగ్!

మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!